Matthew 16:25 - De Beebaa Dabu

²⁵ Be goai e hagaola ina dono mouli e tili donu; aagai be goai e tili dono mouli i ogu hiidinga e hagaola donu dono mouli.

Matthew 16:25 Referans Kwoze

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Mark 8:35

Gai be goai e doange ina dono mouli, gai e tili donu; aagai be goai e hagangadi mee ina dono mouli, i ogu hiidinga ma hiidinga o de longo danuaa, e hagaola donu dono mouli.

John 12:25

Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.

Luke 17:33

Be goai e hagamogomogo ina dono mouli gai e tili donu, aagai be goai e hagangadi mee ina dono mouli gai e hagaola donu dono mouli.

Esther 4:16

“Hannoo hagabuni ina de gau Ssuu alodahi i Susa, gai goodou ga hagahiikai i ogu hiidinga; goodou e dee gaimee donu, aabe unu i e dolu laangi ma e dolu boo. Gai gimaadeu ma ogu haahine hai hegau e hagahiikai naa hogi madali goodou. Dua naa huu mee nei, gai au ga hano gi daho de hodooligi, e dee galemu donu e hai baasi ange gi de hainga. Gai noo au gu magau, gai au gu magau.”

Esther 4:14

Gai noo koe e noho donu huu ga dee muu i de masavaa nei, gai de ilaage ma de hagaola o de gau Ssuu e humai naa i dahi mommee gee, aagai koe ma doo huaabodu e maakau donu. Gai goai e iloo, be koe tee hili ange naa gi tuulanga o de hine hodooligi, i hiidinga o de masavaa bee nei?”

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Ecclesiastes 3:6

e dahi masavaa e ssala ai gi gidee, gai e dahi hogi masavaa e tuu ai de ssala, e dahi masavaa e doange ai, gai e dahi hogi masavaa e tili ai;