Matthew 16:23 - De Beebaa Dabu

²³ Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Matthew 16:23 Referans Kwoze

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

Colossians 3:2

Goodou hagasaelea mee i lunga, e dee go mee o henua i lalo.

Mark 8:33

Aagai Iesu ga huli dua ga galo ange gi ana dangada agoago, gai ia ga hagasee Peter, ga hai ange, “Satan, hannoo gi ogu dua! Koe e dee maanadu mee a de Maadua, aagai go mee a dangada!”

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

Luke 4:8

Aagai Iesu ga hai ange gi de ia, “Gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena.’ ”

Genesis 3:17

Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai, de gelegele gu hagamalaia i oo hiidinga; gai koe e gaimee ai naa donu huu noo koe e hagadalea ange aagena, i taulooloa oo laangi e mouli ai.

Romans 14:13

Deenei ai, gidaadeu ga tuu taadeu hagadau hagabaubau; aagai gi baba i odaadeu lodo bolo gidaadeu e dee hai dahi mee e hagabaageaa ai lodo o dahi, aabe gi ahe dua ai dahi oodou daina.

1 Chronicles 21:1

Gai Satan ne hai baasi ange gi de gau Israel, ga hai David gi daulia de gau Israel.

2 Samuel 19:22

Gai David ne hai ange, “Luu dama daane a Zeruiah, au e dee buni adu donu gi ooluu muna. Anailaa nei gai gooluu gu ni hagadaumee donu niiogu. E deai donu se dangada Israel daudahi e daa gi magau ailaa nei! Anailaa nei gai au gu iloo bolo go au de hodooligi i Israel.”

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Romans 14:21

Gai e danuaa ange taadeu dee gai giidagi be go de unu denga uvaini, aabe go de hai dahi mee daudahi e hidi mai ai laa de haisala o doo daina.

Matthew 18:7

“E vakaa naa henua i lalo, i hiidinga o alaadeu mee e hai ga hagahaisala ai dangada! Mee nei e hai naa donu, aagai e vakaa naa tangada e haia mee nei!

Matthew 16:22

Gai Peter ne kave Iesu ga hagasee, ga hai ange, “Tagi Maolunga, de Maadua e dee dugu ange donu gi hai mee nei! Mee nei e dee hai adu donu gi de goe!”