Matthew 16:14 - De Beebaa Dabu

¹⁴ Ana dangada agoago ne hai ange, “Hanu bolo koe go John taane Babudaisi, gai hanu bolo go Elijah, aagai hanu bolo go Jeremiah aabe go dahi pelaabisi ange laa.”

Matthew 16:14 Referans Kwoze

Mark 6:15

Aagai hanu ne hagataba, “Ia go Elijah.” Gai hanu ne hagataba, “Ia se pelaabisi, bei denga pelaabisi madagidagi.”

Matthew 14:2

gai ia ga hai ange gi ono dangada hai hegau, “Deenei donu taane babudaisi go John; ia gu mouli age! Aanei hiidinga gu hai ai nei denga sauaa hagalele mouli i ono daha.”

Malachi 4:5

Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.

John 9:17

Gai gilaadeu ga ssili ange hogi gi taane nogo dee gide laa, “Gai dee hee dau hai e tala ai dagodo o taane laa, i hiidinga go ia ne haia goe ga gide?” Ia ne hai ange, “Ia se pelaabisi.”

John 7:12

Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

Luke 9:8

gai hanu ne hagataba bolo Elijah gu hagasula mai, gai hanu bolo dahi pelaabisi madagidagi gu mouli age.

Mark 8:28

Gilaadeu ne hai ange, “Hanu bolo koe go John taane Babudaisi, hanu bolo go Elijah, aagai hanu bolo go dahi pelaabisi.”

Matthew 17:10

Gai ana dangada agoago ne ssili ange gi de ia, “Gai gu aha gu hagataba ai laa de gau sisi bolo Elijah e humai naa donu i mua?”

John 1:21

Gilaadeu ne ssili ange hogi gi de ia, “Gai go koe donu goai? Go koe go Elijah?” Gai ia ga hai ange, “E deai!” “Gai go koe de pelaabisi laa?” Ia ne hai ange, “E deai.”

Jeremiah 1:1

Muna a Jeremiah, tama daane a Hilkiah, dahi dangada haimeedabu i Anathoth i de vaaenga o Benjamin.

Matthew 3:1

Laangi laa gai a John taane Babudaisi ne hano gi de vao o Judea ga agoago ai,

Matthew 16:15

Gai ia ga ssili ange gi gilaadeu, “Aagai goodou e hagataba bolo au goai?”