Matthew 15:4 - De Beebaa Dabu

⁴ De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’

Matthew 15:4 Referans Kwoze

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Leviticus 20:9

Be goai e hagangadi mee ina dono damana be go dono dinana e daa donu gi magau, i hiidinga ia gu hagangadi mee dono damana be go dono dinana; ia e hagaduasala donu.

Exodus 21:17

Be goai e basa hagamalaia ina dono damana aabe go dono dinana, gai ia e daa donu gi magau.

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Proverbs 23:22

Hagallongo ange gi doo damana ne hagadili ina goe, gai koe gi dee hagangadi mee ina doo dinana i dono masavaa gu madumadua ai.

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Matthew 19:19

hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.”

Ephesians 6:1

Denga dama, goodou hagallongo ange gi oodou maadua i lodo o Tagi Maolunga, go hiidinga deenei de mee heohi.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Matthew 15:3

Iesu ne hai ange gi gilaadeu, “Gai gu aha goodou gu oha ai naa hogi muna a de Maadua, gai ga daudali i oodou dahulinga donu?

Matthew 15:5

Aagai goodou e hagataba, ‘Tangada e hai ange gi dono damana, aabe go dono dinana, “Au gu gaavange gi de Maadua de mee e heohi i dagu gaavadu gi de goe,”