Matthew 15:28 - De Beebaa Dabu

²⁸ Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Matthew 15:28 Referans Kwoze

Matthew 8:13

Gai Iesu ne hai ange gi tagi o de lau, “Hannoo! Gai e hai donu gi bei dagodo o doo gai.” Gai dono dangada hai hegau gu ieiangi i de aoaa laa donu huu.

Mark 5:34

Gai Iesu ga hai ange gi de ia, “Dagu damaa hine, doo gai gu hagaieiangi goe. Hannoo ma de baba oo lodo, koe gu ieiangi mai i doo magi.”

Matthew 9:22

Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Matthew 8:10

De masavaa huu a Iesu ne langona ai ana muna, gai ia gu lele ono mouli ga hai ange gi dangada e daudali ange laa i de ia, “Ni muna abodonu aagu e hai adu nei gi goodou, au tigi gidee dahi gai laumalie bee nei i magavaa o de gau Israel.

Luke 17:5

De gau tala ne hai ange gi Tagi Maolunga, “Haia gi kii ange de nnui omaadeu kai.”

Luke 7:50

Iesu ne hai ange gi de hine laa, “Doo gai gu hagaola goe, hannoo i de baba.”

De Beebaa go Job 13:15

Gai ga daia naa donu e ia ga magau au, gai au e dahi donu agu tali ange gi de ia; gai au e tala ange donu dogu donu gi de ia.

Luke 7:9

De masavaa huu a Iesu ne langona ai muna nei, gai ia gu lele ono mouli i taane laa, gai ia ga huli dua ga hai ange gi dangada e daudali ange laa i de ia, “Au e hai adu gi goodou, au tigi gidee dahi gai laumalie bee nei i daho de gau Israel.”

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

Matthew 14:31

De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Matthew 15:27

De hine laa ne hai ange, “Ni muna abodonu e Tagi Maolunga, aagai denga gaaduu e gai donu hogi amuamu mee e too iho i teebele o de gau aamua.”