Matthew 14:3 - De Beebaa Dabu

³ Go hiidinga Herod ne poo John ga tili ange gi lo te hale pono i hiidinga o Herodias, de bodu o dono daina daane go Philip,

Matthew 14:3 Referans Kwoze

Mark 6:17

Go hiidinga Herod ne hai hanu gi hulo gi boogia a John gi noodia, gi hhao gi lo te hale pono i hiidinga o Herodias, de bodu o dono daina go Philip; ia ne hai bodu ange gi de hine laa.

Matthew 4:12

Gai de masavaa huu a Iesu ne langona ai bolo a John gu noodia ma gu hhao gi lo te hale pono, gai ia ga hano gee i kilaa ga hano gi Galilee.

Mark 6:22

Gai tamaa hine a Herodias ne ulu mai ga anu, gai ia ga hagamalangilangi Herod ma dangada aana ne gauna ange gi taonga. Gai de hodooligi ga hai ange gi tamaa hine laa, “Daalaa mai be se aha oou e lodo ai, gai au ga gaavadu naa donu gi de goe.”

Mark 6:19

Gai Herodias ne golo age mee laa i hiidinga dono lili i a John, ia ne lodo e daa a John gi magau. Aagai ia tee maua,

Matthew 11:2

Gai ga langona huu e John dagodo hegau a Klisdo, i dono masavaa e noho ai i lo te hale pono, gai ia ga hai gi hulo e dogolua ana dangada agoago

Luke 13:1

De masavaa laa gai e hanu i magavaa o dangada ne tala ange gi Iesu dagodo o de gau Galilee a Pilate ne daa laa ga maakau, ga hilo ange olaadeu dodo gi alaadeu sigidaumaha.

Matthew 14:6

Gai de boo huu o Herod, gai tamaa hine a Herodias ga anu i madamada o dangada e gaimee laa i taonga, gai Herod gu malangilangi mmao,

Mark 6:14

Gai de hodooligi go Herod gu langona e ia dagodo o de mee laa, (go hiidinga gu soa dangada ne langona dagodo o Iesu). Hanu dangada ne hagataba, “John taane Babudaisi gu mouli age! Aanei hiidinga aana gu hai ai nei denga sauaa hagalele mouli nei.”

Mark 8:15

Gai Iesu ga hai ange gi gilaadeu, “Goodou kana ange dagidiiloo goodou i de mee hagahua a denga Pharisee aama Herod.”

Luke 3:1

Gai de madaangahulu ma lima huu ngadau o Tiberius Caesar ne hodooligi ai — go de masavaa o Pontius Pilate e goobenaa ai i Judea, Herod go de tetrarch o Galilee, dono daina daane go Philip go de tetrarch Ituraea ma Traconitis, gai Lysanias go de tetrarch o Abilene —

Luke 8:3

ma Joanna de bodu o Cuza, go taane e diiloo ange mee o Herod, aama Susanna. E soa ange haahine ne balea ange gilaadeu i olaadeu goloa donu.

Luke 13:31

De masavaa laa gai denga Pharisee ne loomai ga hai ange gi de ia, “Hano gee mai i kinei, go hiidinga Herod e lodo e daa goe gi magau.”

Luke 23:7

Gai de masavaa huu aana ne iloo ai bolo Iesu se dangada mai i de vaaenga o Herod e dagi ai laa, gai ia ga kave Iesu gi Herod, go hiidinga Herod gu noho hogi i Jerusalem i de masavaa laa.

Luke 23:11

Gai Herod ma ono daane hebagi ne hagangadi mee Iesu ma de hagammae manava ia. Gai gilaadeu ga hakahu ia i hanu malo danuaa ga hagaahe ia gi daho Pilate.

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Acts 12:1

Deenei hogi de masavaa a de hodooligi go Herod ne hagaduasala ai hanu dangada i lo te nohoanga dabu.