Matthew 14:27 - De Beebaa Dabu

²⁷ De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”

Matthew 14:27 Referans Kwoze

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 41:4

Goai ne haia ma de hagasula de mee nei, ma de hagahi denga atangada mai i taamada? Go au, Iahweh — go au taamada, gai go au de hagaodia — go au donu go ia.

John 6:20

Gai ia ga hai ange gi gilaadeu, “Go au deenei, goodou gi dee maatagu!”

Matthew 17:7

Aagai Iesu ga humai ga poo ange gilaadeu, ga hai ange, “Hiihidi age, goodou aude maatagu!”

Matthew 9:2

Gai tilo, hanu dangada ne saabai mai gi Iesu dahi daane balagelage i honga dono moenga. Gai de masavaa huu a Iesu ne gidee ai olaadeu kai, gai ia ga hai ange gi taane balagelage laa, “Dagu dama, koe gi lodo mmahi, gu maatala oo haisala.”

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Luke 1:30

Gai tangada de langi laa ga hai ange gi de ia, “Mary, aude madagu, de Maadua gu abodonu adu gi de goe.

Luke 1:13

Gai tangada de langi laa ga hai ange gi de ia, “Zechariah, aude madagu! De Maadua gu langona au dalodalo, gai doo bodu go Elizabeth e haanau naa dahi dama daane, gai koe ga hagaingoo ange ia go John.

Matthew 28:10

Gai Iesu ga hai ange gi gilaau, “Gooluu aude maatagu; gooluu hulo hai ange gi ogu daina gilaadeu gi hulo gi Galilee; go kilaa alaadeu e gidee ai au.”

Luke 2:10

Gai tangada de langi ga hai ange gi gilaadeu, “Goodou aude maatagu! Tilo, au ne gaamai gi goodou dahi longo danuaa ma de hagamalangilangi ange gi dangada alodahi.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Matthew 14:28

Gai Peter ga hai ange, “Tagi Maolunga, noo go koe donu deenaa, aagai koe hai mai au gi seesee adu gi oo daha i honga de vai.”

Matthew 28:5

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui.

Mark 6:50

go hiidinga gilaadeu alodahi gu maatagu i delaadeu gidee ia. Aagai ia ga hagamoolau ga basa ange gi gilaadeu, ga hai ange, “Goodou gi llodo mmahi; go au donu deenei. Goodou aude maatagu!”

Luke 5:10

gai James ma John luu dama daane a Zebedee ne llele mouli hogi, gilaau ni daane haangoda madali a Simon. Aagai Iesu ga hai ange gi Simon, “Aude madagu; dua iainei gai koe gu se daane e haangoda ina dangada.”

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.