Matthew 13:24 - De Beebaa Dabu

²⁴ Iesu ne tala ange hogi gi dangada dahi mee hagasengasenga, ga hai ange: “De nohoanga hodooligi o de langi e bei dagodo o tangada hai veelenga e dooa laa golee danuaa i dana veelenga.

Matthew 13:24 Referans Kwoze

Matthew 25:1

“De masavaa laa gai de nohoanga hodooligi o de langi e bei naa dagodo o tinoangahulu bua mmoe, e kave laa alaadeu laama e hulo ai e hedae ange gi taane gu dai hagahai bodu.

Matthew 20:1

“Gai de nohoanga hodooligi o de langi e bei dagodo o dahi dangada aamua e oho laa e hano e ssala dangada gi hulo gi hai hegau i dana veelengaa grape.

Matthew 13:47

“De nohoanga hodooligi o de langi e bei dagodo o de galauna e tili laa i de lodo, gai ne maua ai denga hagadaagangaa mamu alodahi.

Matthew 22:2

“De nohoanga hodooligi o de langi e bei dagodo o dahi hodooligi e haia laa taonga hagahai bodu o dana dama daane.

Matthew 13:37

Ia ne hai ange gi gilaadeu, “Tangada ne dooa golee danuaa laa go Tama a Tangada.

Luke 13:20

Iesu ne hai ange hogi, “Se aha ange aagu e hagadagodo ange aagena de nohoanga hodooligi o de Maadua?

Luke 13:18

Iesu ne ssili ange, “Dee hee tagodo o de nohoanga hodooligi o de Maadua? Aagai se aha aagu e hagadagodo ange aagena?

Matthew 13:33

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei mee hagahua a dahi hahine e kave laa, ga hilo ange gi e dolu hagabaaunga pelaoaa mada, ga dae ai gi de hhua mee laa alodahi.”

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

Matthew 13:31

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei dagodo o de golee o de mustard, a dahi dangada ne kave laa ga doo i dana veelenga.

Matthew 18:23

Deenei ai, de nohoanga hodooligi o de langi e hagadagodo ange gi dahi hodooligi e lodo laa e hagaheohi muli a ono dangada hai hegau.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 21:33

“Goodou nnoho mai ange hagalaangona dahi mee hagasengasenga. E dahi daane aamua ne doo dahi veelengaa grape ga buibui luu baasi, ma de geli dono mommee kumi grape, aama de hagaduu ai dahi hale dagitilo, ga dugu ange gi hanu dangada hai veelenga, gai ia ga hano gi dahi henua gee.

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Ezekiel 17:2

“Tama a tangada, haia dahi mee hagasengasenga daalaa ange gi de gau Israel,

Isaiah 28:13

Deelaa ai, muna a Tagi Maolunga ange gi gilaadeu e bei naa donu: e hagaaheahe ange naa, e hagaaheahe ange naa, go muna mau donu huu, go muna mau donu huu, gai e tala dagimomo ange, e tala dagimomo ange, gi hulo ai gilaadeu gi baakuu saele, gi lagolagohia, ma de noodia i ssele, aama de noonoodia ga gaavee gee.

Isaiah 28:10

Gai ia e dee modu de hagaaheahe age ana muna, go muna mau donu huu, go muna mau donu huu, gai e tala dagimomo mai, e tala dagimomo mai.”

Matthew 13:25

Aagai ga sseni huu dangada, gai dono hagadaumee ga humai ga doo ange denga helii baubau i magavaa o denga grain, gai ia ga hano gee mai i kilaa.