Matthew 13:11 - De Beebaa Dabu

¹¹ Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Matthew 13:11 Referans Kwoze

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

Matthew 19:11

Iesu ne hai ange gi gilaadeu, “E dee go dangada alodahi e maua i de daohi muna nei, aagai go gilaadeu donu huu ne gaavange aagena.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Isaiah 35:8

Gai e hai naa dahi haiava laumalie i kilaa, gai e hagaingoo ange naa go de Haiava Dabu. De gau hakino gee e dee maua donu i de seesee i de haiava laa, gai de haiava laa se mee ange gi gilaadeu e seesee ai, aagai de gau llodo senga e dee maua donu i de seesee i kilaa.

Ephesians 5:32

De mee e dee iloo laa e hai ngadaa mmao i de tonu ange aagena, aagai au e hagadaba bolo de mee nei e tala dagodo o Klisdo ma de nohoanga dabu.

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

Luke 8:10

Ia ne hai ange, “Gu dugu adu gi goodou gi maua i de tonu ange, gi mee o de nohoanga hodooligi o de Maadua e dee iloo laa, aagai e tala ange donu huu gi dangada ange laa i muna hagasengasenga; ‘gi gidee ai e gilaadeu gai e dee madea, gai gi langona ai e gilaadeu gai e dee tonu ange aagena.’

1 Corinthians 15:51

Tilo, au e tala adu dahi mee e dee iloo laa: E dee odi naa donu gidaadeu alodahi i de maakau, aagai gidaadeu alodahi e odi naa donu i de sui —

1 Corinthians 2:7

Aagai gimaadeu ne agoago i de heiangi o de Maadua e dee iloo laa, gai se heiangi e hagammuni, go de heiangi a de Maadua ne hagasauaa i mua taamada o de masavaa, gi maua ai e gidaadeu de mahamaha.

John 6:65

Gai ia ga hai ange, “Aanei hiidinga aagu gu tala adu ai laa bolo e deai donu se dangada e maua i de humai gi de au noo Tamana e dee hai ia gi humai.”

1 Timothy 3:9

Gilaadeu gi daohia dagodo o de gai nogo dee iloo laa i tagi o de lodo e gilimalali.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

Mark 4:11

Gai ia ga hai ange gi gilaadeu, “Gu dugu adu gi goodou de maua i de tonu ange, gi mee o de nohoanga hodooligi o de Maadua, e dee iloo laa. Aagai e tala ange donu huu gi gilaadeu i tua i muna hagasengasenga,

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

Ephesians 6:19

Gai dalodalo hogi i ogu hiidinga, gi gaamai ai gi de au agu muna e tala ma de lo taane i dogu masavaa e agoago ai mee o de longo danuaa e dee iloo laa,

1 Corinthians 4:7

Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?

1 Corinthians 4:1

Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Isaiah 29:10

Tagi Maolunga gu hai goodou gi bei tangada seni magau: ia gu haoli oodou ganomada (bei denga pelaabisi), ia gu haoli oodou biho (bei dangada e daalaa mee e loomai).

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Isaiah 29:11

Gai adu gi goodou, de midi hagaago ange nei e bei donu muna e sisi laa i lo te beebaa mulo gu hagamakaga laa. Gai noo dahi e gaavange gi tangada e maua i de dau, ga hai ange, “Aude haihaia, daulia de beebaa nei,” gai ia e hai ange naa, “Au e dee maua, i hiidinga gu hagamakaga.”

Matthew 13:10

Dangada agoago a Iesu ne loomai ga ssili ange gi de ia, “Gu aha gu agoago ange ai naa goe dangada i denga mee hagasengasenga?”

Matthew 20:23

Iesu ne hai ange gi gilaau, “Gooluu e unu donu i de ubu oogu e unu ai, aagai e dee go au e hilihilia dangada e nnoho i dogu baasi madau ma dogu baasi masui. Aagai mommee nei gu hagadabena ange gi gilaadeu a dogu Damana gu hagamodu ange laa aagena.”

Mark 10:40

aagai e dee go au e hilia dangada e nnoho i dogu baasi madau aabe go dogu baasi masui. Aagai duulanga nei gu hagadabena ange gi gilaadeu gu hagamodu ange laa aagena.”

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.