Matthew 12:32 - De Beebaa Dabu

³² Be goai e daalaa dahi muna e hai baasi ange ai gi Tama a Tangada, gai e tala donu ono haisala, aagai be goai e daalaa hanu muna e hai baasi ange ai gi de Hagasaalunga Dabu, gai e dee tala donu ono haisala iainei, aabe go de masavaa e humai.

Matthew 12:32 Referans Kwoze

Mark 3:29

aagai tangada e daalaa hanu muna e hai baasi ange ai gi de Hagasaalunga Dabu, e dee degi ange donu gi ono haisala, gai ia gu haisala donu i de haisala e deai laa se ngado mai.”

John 7:39

Gai ia ne basa i dagodo o de Hagasaalunga ⌊Dabu⌋, gu dai hano iho laa gi honga o dangada gu hagadonusia ia; de masavaa laa gai de Hagasaalunga ⌊Dabu⌋ tigi hano iho, go hiidinga Iesu tigi kave dono mahamaha.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

Titus 2:12

ma de agoago mai ai gidaadeu gi dilia hegau baubau ma lodo o henua i lalo, gai gi golomagi ina odaadeu lodo, ma de hai hegau i de heohi, aama de hai lodo o de Maadua i henua i lalo nei;

Ephesians 1:21

ga hai ia gu maolunga ange i denga hagasaalunga alodahi e dagi laa, ma gilaadeu iai ssauaa, ma de mmahi, ma de maolunga, ma ingoo maolunga alodahi, e dee go iainei donu huu, aagai go de masavaa hogi e humai.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Luke 12:10

Gai be goai e hagangadi mee ina Tama a Tangada i ana muna, gai de Maadua e tala donu ono haisala. Aagai be goai e hagangadi mee ina de Hagasaalunga Dabu i ana muna, gai e dee tala donu ono haisala.

Matthew 12:31

Deenei ai, au e hai adu gi goodou, de Maadua e degi ange gi haisala ma muna hagangadi mee alodahi a dangada; aagai be goai e basa hagangadi mee i de Hagasaalunga ⌊Dabu⌋, ia e dee tala donu ono haisala.

De Beebaa go Job 36:13

De gau baubau e daohi de lili i olaadeu lodo; gai gilaadeu e dee dangidangi i de bale, i de masavaa aana e noonooa ai gilaadeu.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

John 7:12

Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Mark 10:30

e dee haihai naa donu ga dee kave i de mouli nei e lau ange hale, ma daina daane, ma daina haahine, ma dinana ma dama, aama denga alahenua, aama denga hagaduasala; gai ia e kave naa de mouli e dee ngado mai i de masavaa e humai.

John 7:52

Gai gilaadeu ga hai ange gi de ia, “E aha, koe se dangada Galilee hogi? Saalaa, gai koe e gidee naa bolo tigi ai donu se pelaabisi daudahi ne humai i Galilee.”

Luke 7:34

Aagai Tama a Tangada ne humai ga gaimee ma de unu, gai goodou ne hagataba, ‘Ia se dangada aagai ma de lodo e unu mee vii, gai se soa niio de gau hagabudu taagisese ma de gau baubau!’

Matthew 11:19

Gai Tama a Tangada ne humai ga gaimee ma de unu, gai gilaadeu ne hagataba, ‘Ia se dangada aagai ma de lodo e unu mee vii, gai se soa niio de gau e hagabudulia taagisese ma de gau baubau.’ Aagai de heiangi ⌊o de Maadua⌋ gu hagaago mai bolo e heohi i ana hegau.”

Matthew 13:55

E aha, e dee go tama daane a de labagau deenei? Gai e dee go Mary de ingoo o dono dinana? Aagai e dee go James, ma Joseph, ma Simon, aama Judas ono daina daane?

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 12:8

Go hiidinga Tama a Tangada go de Ia Aamua o Sabbath.”

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 13:39

De hagadaumee ne dooa denga helii, go de ia hagabaubau laa. Aagai de masavaa o de hagihagi go de hagaodi o henua i lalo, gai de gau hagihagi go de gau de langi.

Matthew 13:40

Dagodo o de hagabudu o denga helii ga dudu i de ahi, e bei hogi dagodo o mee e hai i de hagaodi o henua i lalo.

Mark 3:28

Ni muna abodonu aagu e hai adu nei gi goodou: haisala alodahi o dangada e haisala ai, ma muna baubau alodahi a dangada e tala, e degi ange donu gi olaadeu haisala,

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

Luke 18:30

e dee kave mee e kii ange de lagolago i mee nei i de mouli nei, gai de masavaa e humai go de mouli e dee ngado mai.”

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

2 Timothy 4:10

go hiidinga Demas gu kii mee o henua i lalo nei i dono lodo ai, ia gu tili au gai gu hano gi Thessalonica. Crescens gu hano gi Galatia, gai Titus gu hano gi Dalmatia.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.