Matthew 12:28 - De Beebaa Dabu

²⁸ Aagai noo au e hai gi hulo gee denga hagasaalunga baubau i ssauaa o de Hagasaalunga o de Maadua, gai de nohoanga hodooligi o de Maadua gu dae mai donu gi oodou daha.

Matthew 12:28 Referans Kwoze

Luke 11:20

Gai noo au e hai gi hulo gee denga hagasaalunga baubau i ssauaa o de Maadua, gai de nohoanga hodooligi o de Maadua gu dae mai donu gi oodou daha.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Matthew 21:43

Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Luke 16:16

De hainga ma denga pelaabisi ne agoago ga dae mai ai gi de masavaa o John taane Babudaisi; gai muli mai ne daamada de agoago de longo danuaa o de nohoanga hodooligi o de Maadua, gai dangada alodahi gu hagammahi e ulu ai.

Mark 1:15

ga hai ange, “De nohoanga hodooligi o de Maadua gu baa mai donu. Goodou daahuli oodou lodo ma gi hagadonusia de longo danuaa!”

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

Luke 9:2

gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi.

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

Luke 10:11

‘Gimaadeu e luuluu donu hogi denga gelegele o doodou aduhale gu pigi mai laa gi omaadeu vae, e hai baasi adu ai gi goodou; gai goodou gi iloo bolo de nohoanga hodooligi o de Maadua gu baa mai donu!’

Mark 11:10

E manuuia de nohoanga hodooligi o taadeu damana go David gu dai humai laa! Hosanna i de mommee maolunga mmao!”

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Matthew 12:29

Dee hee de hai a dahi e maua ai i de ulu i de hale o tangada mmahi e kave ai ono goloa, noo ia e dee nnoa i mua tangada mmahi laa? Gai ia ga maua i de gaiaa goloa i dono hale.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.