Matthew 11:5 - De Beebaa Dabu

⁵ de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Matthew 11:5 Referans Kwoze

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Matthew 21:14

Gai de gau dee kide ma de gau balagelage ne loomai gi ono daha i lo te buibui o de temple, gai ia ga hagaieiangi gilaadeu.

John 10:38

gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.”

John 10:25

Iesu ne hai ange, “Au gu lava i de tala adu gi goodou, aagai goodou e dee hagadonu. Denga hegau aagu e hai i de ingoo o dogu Damana, go gilaadeu e daalaa hagadonu ogu dagodo,

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

John 2:23

De masavaa oona e noho ai i Taonga Hagasili i Jerusalem, gai ne soa dangada ne hagadonusia dono ingoo, i delaadeu gidee denga hagailonga aana ne hai.

Mark 9:25

Gai ga gidee huu e Iesu dangada soa gu saavini mai gi kilaa, aagai ia ga hagasee de hagasaalunga baubau laa, ga hai ange gi de ia, “De hagasaalunga e noodia laa dono alelo ma de pono luoono dalinga, au e hai adu gi de goe, sao mai i ono daha, gai koe aude ahe ange donu gi ulu gi ono lodo!”

Mark 7:37

Gai dangada gu llele mouli mmao, ga hagataba, “Mee alodahi a taane nei e hai e danuaa. Ia gu hai donu hogi gilaadeu e longoduli gi langona, gai gilaadeu e dee pasa gu pasa!”

Matthew 10:8

Gai goodou ga hagaieiangi magi, ga hagamouli age gilaadeu gu maakau, ma de hagaieiangi denga lebelaa, ma de hai gi hulo denga hagasaalunga baubau. Goodou tee hagao mee gu gaavadu naa gi goodou, deenei ai, goodou ngadi gaavange hogi gi dangada.

Matthew 9:30

Gai olaau ganomada gu kide. Gai Iesu ne hai ange gi gilaau, “Gooluu e dee tala ange gi dahi dagodo o de mee nei.”

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

2 Kings 5:14

Deelaa ai, Naaman ne hano ga sulu ma de ea age i lo te vai o Jordan i e hidu hanonga, bei de hai a taane o de Maadua gu tala ange laa. Gai dono angaanga gu ieiangi, gai gu gilimalali bei de angaanga o tamaa gauligi.

2 Kings 5:7

De masavaa a de hodooligi o Israel ne dau ai de leda laa, gai ia ga ssae ono malo, ga hai ange, “Go au go de Maadua? E maua e au i de daa gi maakau aabe go de hagamouli age tangada? Gai gu aha taane nei gu aalu mai ai nei au gi hagaieiangi ina ono lebelaa? Goodou gi iloo, ia e lodo e hai gi dee heloongoi omaau magavaa!”

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Zechariah 11:7

Gai de gau e hagao ina denga ssiibi ne hai au gi hagaloosia ange denga ssiibi gu baba ange laa e daa gi maakau. Gai au ne hai e lua dogo; au ne hagaingoo ange dahi go de Abodonu, gai dahi go de Buni, gai au ga tilo ange ai de hagabuulingaa ssiibi.

Exodus 4:11

Gai Tagi Maolunga ga ssili ange gi de ia, “Goai ne haia de ngudu o tangada? Gai goai ne haia tangada lau de alelo ma de longoduli, be go tangada dee gide ma tangada e gide? E dee go au, Tagi Maolunga, ne haia gilaadeu nei alodahi?

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.

Matthew 11:4

Iesu ne hai ange gi gilaau, “Gooluu hulo daalaa ange gi John ooluu mee gu langona ma de gidee:

Matthew 12:13

Gai Iesu ga hai ange gi taane magau de lima, “Haalo doo lima.” Aagai taane laa ga haalo dono lima, gai gu ieiangi bei de lima ange laa.

John 9:7

Gai ia ga hai ange gi taane laa, “Hannoo, huuia luoo mada i de vai go Siloam.” (E bei go de “hai gi hano”.) Gai taane laa ga hano ga hhui luoono mada ga ahe mai gu gide.