Matthew 11:27 - De Beebaa Dabu

²⁷ Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Matthew 11:27 Referans Kwoze

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.

1 John 2:23

Gai noo tangada e hagadee iloo Tama, gai Tamana e dee noho hogi i ono daha. Tangada e daalaa hagadonu dagodo o Tama, gai Tamana e noho donu hogi i ono daha.

John 10:15

bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.

John 3:35

Tamana e aloha i dana Dama Daane, gai gu dugu ange mee alodahi gi de ia.

John 6:46

Tigi ai donu se dangada ne gidee e ia Tamana; go Tama donu huu ne humai laa i daho de Maadua, go ia gu gidee Tamana.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 7:29

Aagai au e iloo ia, go hiidinga au ne humai i ono daha, gai go ia donu ne haia nei au gi humai.”

John 17:6

Au gu hagaago ange oo dagodo gi gilaadeu aau ne gaamai gi de au i henua i lalo. Gilaadeu niiau donu, gai koe ne gaamai gilaadeu gi de au, gai gilaadeu gu daudali i au muna.

John 13:3

Gai Iesu e iloo bolo Tamana gu gaavange gi de ia ssauaa e huahua ai mee alodahi, gai ia ne humai i daho de Maadua gai e ahe ange naa gi daho de Maadua.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.