Matthew 10:3 - De Beebaa Dabu

³ Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Matthew 10:3 Referans Kwoze

Acts 1:13

Gai ga tae huu gilaadeu gi Jerusalem, gai gilaadeu ga loage gi de aabi i lunga, go de mommee olaadeu nei e nnoho ai: go Peter, ma John, ma James, ma Andrew, ma Philip, ma Thomas, ma Bartholomew, ma Matthew, ma James tama daane a Alphaeus, ma Simon Zealot, aama Judas tama daane a James.

Mark 3:18

ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,

Mark 2:14

Gai ga hano gee huu Iesu i kilaa, gai ia gu gidee Levi tama daane a Alphaeus, ia e noho i de mommee hagabudu taagisese. Gai ia ga hai ange gi de ia, “Daudali mai i de au!” Gai ia ga hidi age ga daudali ange i Iesu.

Matthew 9:9

Gai ga hano gee huu Iesu i kilaa, gai ia gu gidee dahi daane e noho i de mommee hagabudu taagisese, dono ingoo go Matthew. Gai Iesu ga hai ange gi de ia, “Daudali mai i de au.” Gai Matthew ga hidi age ga daudali ange i de ia.

John 21:2

Dahi laangi gai Simon Peter, ma Thomas (e hagaingoo ange laa hogi go Didymus), ma Nathanael, taane Cana i Galilee, ma luu dama daane a Zebedee, aama e dogolua ange dangada agoago, e nnoho i dahi mommee.

John 11:16

Gai Thomas (e hagaingoo ange laa hogi go Didymus) ne hai ange gi denga dangada agoago ange laa, “Gidaadeu ga hulo hogi, gi maakau ai gidaadeu madali ia.”

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

Galatians 1:19

Aagai teai ange donu agu dangada tala ne gidee, go James donu huu, taina o Tagi Maolunga.

Acts 21:18

De laangi i ono dua, gai gimaadeu ma Paul ne hulo gi daho James; gai denga dagi alodahi gu i kilaa.

Acts 12:17

Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.

Luke 5:27

Dua mee laa gai Iesu ne hedae ange gi dahi daane, dono ingoo go Levi, ia e noho i de mommee hagabudu taagisese. Gai Iesu ga hai ange gi de ia, “Daudali mai i de au.”

Acts 15:13

Gai ga lava huu muna a Paul ma Barnabas, gai James ga hai ange gi gilaadeu, “Denga daina, goodou nnoho mai hagalaangona agu muna.

John 14:22

Judas (e dee go Judas Iscariot) ne ssili ange gi de ia, “Tagi Maolunga, gu aha gu hagaago mai ai donu huu goe oo dagodo gi gimaadeu, gai e dee hagaago ange gi henua i lalo?”

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

Matthew 27:56

Hanu i olaadeu magavaa go Mary Magdalene, ma Mary tinana o James ma Joseph, aama tinana o luu dama daane a Zebedee.

Matthew 18:17

Gai noo ia e dee e hagallongo ange gi gilaadeu, gai daalaa ange gi de nohoanga dabu alodahi. Gai noo ia e dee hagallongo ange hogi gi de nohoanga dabu, aagai goodou haia ia bei dahi dangada tua de mee ma tangada e hagabudulia taagisese.

Mark 15:40

Gai e hanu hogi haahine e tuu i de mommee mmao, ma e tilo mai ai mee gu hai laa. Hanu i olaadeu magavaa go Mary Magdalene, ma Mary tinana o James gauligi ma Joses, aama Salome.

Luke 18:10

“E dogolua daane ne loage e hulo e dalodalo i de temple; dahi gilaau se Pharisee, gai dahi se daane hagabudu taagisese.

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 18:13

Aagai taane e hagabudulia laa taagisese ne duu i dahi mommee mmao, gai ia tee galo age donu hogi gi de langi, gai ia ne hagailiili ono hadahada, ga hai ange, ‘De Maadua, degi mai gi de au, au se dangada e haisala!’

Luke 19:2

Gai e dahi daane dono ingoo go Zacchaeus; ia go tagi o de gau e hagabudulia taagisese i kilaa, gai se daane lava.

John 1:48

Nathanael ne ssili ange gi de ia, “Dee hee donu dau hai ne iloo ai au?” Iesu ne hai ange, “I mua de hagahi a Philip goe, gai au ne gidee goe, i doo masavaa nogo noho ai i lalo de fig.”

John 14:5

Thomas ne hai ange gi de ia, “Tagi Maolunga, gimaadeu e dee iloo be go hee oou ga hano naa aagena, gai dee hee demaadeu hai e iloo ai de haiava?”