Matthew 10:21 - De Beebaa Dabu

²¹ Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Matthew 10:21 Referans Kwoze

Matthew 24:10

Gai e soa naa dangada e daahuli gee i de laangi laa, ma de hagadau hagabaubau aama de hagadau kino.

Zechariah 13:3

Gai noo dahi dangada e basa pelaabisi, gai luoono maadua ne hagadili ina ia gi hai ange, ‘E heohi donu doo daa gi magau, go hiidinga koe gu hadu muna i de ingoo o Tagi Maolunga.’ Gai de masavaa naa huu oona e basa pelaabisi ai, gai luoono maadua donu e velo naa ia ga magau.

2 Samuel 16:11

Gai David ga hai ange gi Abishai ma denga dagi alodahi, “Tilo, dagu dama donu gu ssala dana hai e daa ai au gi magau. Gai taane de aamuli o Benjamin nei e kii ange naa donu dono lodo e daa au gi magau. Dugua donu huu ia gi daalaa ana muna hagamalaia, i hiidinga go Tagi Maolunga ne hagaagona ia.

De Beebaa go Job 19:19

Ogu soa alodahi gu kino i de au, gai dangada oogu e aloha ai gu hai baasi mai gi de au.

Psalm 50:20

Koe e duudagi huu de hai baasi ange gi doo daina; ma de hagabaubau tama daane a doo dinana donu.

Isaiah 19:2

“Au e hai naa de gau Egypt gi hagadau hebagi: dahi dangada e hebagi ange naa gi dono daina, dahi dangada e hebagi ange naa gi tangada e baa ange gi de ia, dahi aduhale e hebagi ange gi de aduhale ange laa, dahi nohoanga hodooligi e hebagi ange gi de nohoanga hodooligi ange laa.