Matthew 10:2 - De Beebaa Dabu

² Aanei ingoo o de gau tala e dinoangahulu ma dogolua: de ingoo i mua go Simon, e hagaingoo ange laa hogi go Peter, ma dono daina daane go Andrew, ma James tama daane a Zebedee ma dono daina daane go John;

Matthew 10:2 Referans Kwoze

Acts 1:13

Gai ga tae huu gilaadeu gi Jerusalem, gai gilaadeu ga loage gi de aabi i lunga, go de mommee olaadeu nei e nnoho ai: go Peter, ma John, ma James, ma Andrew, ma Philip, ma Thomas, ma Bartholomew, ma Matthew, ma James tama daane a Alphaeus, ma Simon Zealot, aama Judas tama daane a James.

Matthew 4:21

Iesu ne damaa hanadu ange hogi, gai ia gu gidee e dogolua ange hai daina; olaau ingoo go James ma John. Gilaau e nnoho i lo te boose madali delaau damana go Zebedee, ma e bonobono ange ai alaadeu galauna. Gai ia ne hagahi hogi gilaau.

John 12:22

Gai a Philip ga hano ga tala ange gi Andrew, gai gilaau ga hulo ga tala ange gi Iesu.

John 6:8

Gai Andrew, dahi ana dangada agoago, gai go taina daane o Simon Peter, ga hai ange gi de ia,

Luke 5:10

gai James ma John luu dama daane a Zebedee ne llele mouli hogi, gilaau ni daane haangoda madali a Simon. Aagai Iesu ga hai ange gi Simon, “Aude madagu; dua iainei gai koe gu se daane e haangoda ina dangada.”

Matthew 4:18

De masavaa o Iesu ne seesee ai i gaogao de Vai o Galilee, gai ia ne hedae ange gi e dogolua hai daina daane, go Simon, dahi ono ingoo laa go Peter, ma dono daina daane go Andrew. Gilaau e tili delaadeu galauna i lo te vai laa, go hiidinga gilaau ni daane haangoda.

Luke 11:49

Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

2 John 1:1

Mai i daho tagi hagadubu. Ange gi de hine hagadubu gu hilia laa ma ana dama, go dangada oogu e aloha ai i de muna abodonu — gai e dee go au donu huu, aagai go gilaadeu alodahi e iloo de mee abodonu —

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

1 Corinthians 15:7

Ia ne hakide ange hogi gi James, gai muli mai go de gau tala alodahi.

Acts 12:2

Ia ne daa ga magau James, taina daane o John, i de gadilaasa.

Acts 3:1

Dahi laangi gai Peter ma John ne hulo gi de temple i de daa tolu i muli de hualaangi, go de masavaa e dalodalo ai.

Acts 1:26

Gai gilaadeu ne dada e hili ai dahi luu daane nei, gai go de ingoo o Matthias alaadeu ne dada; gai ia gu dau madali de gau tala e dinoangahulu ma dogodahi.

John 21:24

Deenei tangada agoago ne daalaa hagadonu ma de sisi ga daohi mee nei. Gai gidaadeu e iloo bolo ana mee ne tala hagadonu ni muna abodonu.

John 21:20

Gai Peter ne huli dua gu gidee e ia tangada agoago o Iesu e aloha ai laa e daudali ange i gilaau. (Deenei tangada e noho laa i gaogao o Iesu i de masavaa alaadeu ne gaimee ai, go ia ne siilia ange laa, “Tagi Maolunga, goai gu dai gaavange goe?”)

John 21:2

Dahi laangi gai Simon Peter, ma Thomas (e hagaingoo ange laa hogi go Didymus), ma Nathanael, taane Cana i Galilee, ma luu dama daane a Zebedee, aama e dogolua ange dangada agoago, e nnoho i dahi mommee.

John 20:2

Gai ia ga savini ga hano gi daho Simon Peter, ma dahi dangada agoago ange laa, go de ia o Iesu e aloha ai laa, ga hai ange gi gilaau, “Gilaadeu gu kave gee de angaanga o Tagi Maolunga i lo te daanunga laa, gai gimaadeu e dee iloo be go hee alaadeu ne kave aagena.”

John 13:23

Gai tangada agoago o Iesu e aloha ai laa e hakaogao i gaogao o Iesu.

Luke 22:14

Gai ga dae mai huu de aoaa, gai Iesu ga hakaogao i teebele ga gaimee madali ana gau tala.

Luke 22:8

Aagai Iesu ga hai gi hulo Peter ma John, ga hai ange, “Gooluu hulo hagadabena ina Taonga Hagasili e gaimee ai gidaadeu.”

Luke 9:10

De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida.

Mark 13:3

De masavaa o Iesu ne hano ai ga noho i honga de Mounga o denga Olive, i de baasi ange gi de temple, gai Peter, ma James, ma John aama Andrew ne ssili ange gi de ia, i de masavaa e deai ai dangada,

Mark 1:29

Gai ia ne hagamoolau ga hano gee mai i synagogue, ga hano gi de hale o Simon ma Andrew, madali James ma John.

Matthew 26:37

Gai ia ne kave Peter ma luu dama daane a Zebedee madali ia, gai ia gu daemaha mmao ma tee baba ono lodo.

Matthew 20:20

Tinana o luu dama daane a Zebedee ne humai madali luaana dama daane, gai ia ga duuduli i mada luu mada o Iesu e dangidangi ange gi de ia i dahi mee.

Matthew 17:1

Dua e ono laangi, gai Iesu ne kave madali ia Peter, ma James ma dono daina go John, ga hulo ai gi dahi mounga maolunga, e deai dangada iai.

Revelation 22:8

Gai go au donu go John ne langona laa ma de gidee mee nei. Gai de masavaa aagu ne langona ai ma de gidee mee nei, gai au ne hagabaguu gi honga de gelegele ga daumaha i gaogao luu vae o tangada de langi e hagaagona mai laa gi de au mee nei.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

3 John 1:1

Mai i daho tagi hagadubu. Ange gi Gaius, taina hagamogomogo, go de ia oogu e aloha ai i de muna abodonu.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Mark 6:30

Gai de gau tala ne ahe mai ga tala ange gi Iesu mee alodahi alaadeu ne hai aama mee olaadeu ne agoago ai.

John 6:67

Iesu ne ssili ange gi ana dangada agoago e dinoangahulu ma dogolua, “Goodou gu llodo naa hogi e hulo gee mai i ogu daha?”

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

John 6:71

Gai ia e basa i dagodo o Judas, tama daane a Simon Iscariot, go dahi i magavaa o tinoangahulu ma dogolua, gai ia ne gaavange Iesu i muli mai.