Matthew 10:15 - De Beebaa Dabu

¹⁵ Ni muna abodonu aagu e hai adu nei gi goodou, Sodom ma Gomorrah e danuaa ange i de aduhale laa i de laangi hagamodu muna.

Matthew 10:15 Referans Kwoze

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

1 John 4:17

Deenei de hai e hai e honu abodonu ai de aloha i odaadeu daha, gai gi lo taane ai gidaadeu i de laangi hagamodu muna; go hiidinga gidaadeu e bei dagodo o Klisdo, i taadeu nnoho i henua i lalo nei.

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

Matthew 12:36

Aagai au e hai adu gi goodou, de laangi naa huu e hagamodu ai muna, gai dangada alodahi e tala naa hiidinga o alaadeu ngadi muna gu tala.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Matthew 7:22

De laangi laa gai e soa naa dangada e hai mai gi de au, ‘Tagi Maolunga, Tagi Maolunga, gimaadeu ne pasa pelaabisi i doo ingoo, ma de hai gi hulo denga hagasaalunga baubau, aama de hai denga mee hagalele mouli lagolago i doo ingoo!’

John 6:39

Gai deenei de mee o de ia ne haia nei au gi humai e lodo ai, au gi dee dilia dahi gilaadeu aana gu gaamai gi de au, aagai gi hagamouli ina age gilaadeu i de laangi hagaodi.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

1 Corinthians 3:13

dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.

1 Thessalonians 5:4

Aagai goodou, denga daina, e dee nnoho i lo te gohu, gai goodou ga llele ai oodou mouli i de dae mai o de laangi laa, bei dagodo o de humai o tangada gaiaa.

Hebrews 10:25

gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.