Matthew 1:20 - De Beebaa Dabu

²⁰ Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Matthew 1:20 Referans Kwoze

Luke 1:19

Gai tangada de langi ne hai ange gi de ia, “Go au go Gabriel, au e duu i mada luu mada o de Maadua. Au ne hai gi humai gi daalaa adu gi de goe de longo danuaa nei.

Matthew 1:18

Gai deenei tagodo de haanau o Iesu Klisdo: dono dinana go Mary ne hagababa ange gi Joseph, gai i mua delaau hagahebaa, gai gu gidee mai bolo Mary gu hai dama i daho de Hagasaalunga Dabu.

Matthew 2:19

Aagai dua huu de magau o Herod, gai tangada de langi o Tagi Maolunga ga hakide ange gi Joseph i de midi i Egypt, ga hai ange,

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Luke 2:4

Gai Joseph ne humai hogi i de aduhale go Nazareth i Galilee e hano gi Judea, gi de aduhale o David, e hagaingoo ange laa go Bethlehem, go hiidinga ia se dangada de aamuli o David,

Matthew 28:5

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Judges 13:3

Gai tangada de langi o Tagi Maolunga ne humai ga hakide ange gi de hine laa, ga hai ange gi de ia, “Tilo, iainei koe se hine dee hua tigi ai au gauligi; aagai koe e hai dama naa ga haanau dahi dama daane.

Genesis 31:11

Gai tangada de langi o de Maadua ne hai mai gi de au i de midi, ‘Jacob.’ Gai au ga hai ange, ‘Deenei au.’

Matthew 2:22

Aagai ga langona huu e ia bolo go Archelaus e hodooligi i tuulanga o dono damana go Herod i Judea, aagai ia gu madagu i de hano gi kilaa. Gai de Maadua ne hagakana ange hogi ia i dahi midi, gai ia ga hano ga noho i Galilee,

Psalm 143:8

Haia gi langona e au i taiao doo abodonu, go hiidinga au e hagadonusia goe. Agoagona mai dogu haiava e hano ai, i hiidinga au e dalodalo adu gi de goe.

Psalm 119:125

Go au doo dangada hai hegau, haia gi dahi agu iloo, gi donu ange ai au gi au muna.

Psalm 94:19

De masavaa ne kona ai dogu manavasaa, gai doo lodo aloha ne hagaaneane ogu lodo.

Matthew 2:13

Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Jeremiah 33:26

gai au e tili naa hogi hagadiilinga o Jacob ma dogu dangada hai hegau go David, gai au e dee hili naa hogi dahi ono hagadiilinga gi dagina hagadiilinga o Abraham, ma Isaac, aama Jacob. Gai au e hagaahe ange naa delaadeu manuuia aama de lodo aloha ange gi gilaadeu.”

Isaiah 30:21

Gai noo goodou e taa gi de madau aabe e taa gi de masui, gai goodou e langona naa dahi leo i oodou dua e hai adu, “Deenei de haiava, goodou seesee ai.”

Proverbs 12:5

Maanadu a de gau heohi e heohi, aagai hagasaele a de gau baubau e daahanga dangada.

1 Kings 17:13

Gai Elijah ga hai ange gi de hine laa, “Aude madagu; hannoo haia gi bei au muna gu tala mai gi de au. Aagai koe haia dahi damaa keege gaamai e gai au i mua, muli mai gai koe ga hai ai hanu gai mooluu ma dau dama daane.

Jeremiah 40:9

Gai Gedaliah tama daane a Ahikam, tama daane a Shaphan, ga hagatoo donu ange gi gilaadeu ma olaadeu daane, ga hai ange, “Goodou aude maatagu i de hai hegau ange gi de gau Babylon. Goodou nnoho i de henua hai hegau ange gi de hodooligi o Babylon, gi danuaa adu ai gi goodou.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Numbers 12:6

gai ia ga hai ange, “Gooluu nnoho mai hagalaangona agu muna: Noo e dahi pelaabisi i oodou magavaa, gai au, Tagi Maolunga, e hagaago ange naa agu midi hagaago ange gi de ia, ma de basa ange gi de ia i denga midi.

Genesis 46:3

Gai ia ne hai ange, “Go au go de Maadua, go de Maadua o doo damana; aude madagu i de hano gi Egypt, go hiidinga au e hai naa goe gi se huaahenua soa i kilaa.

Isaiah 7:2

De masavaa huu o de longo ne dae ai gi de aamuli o David, ga hai ange, “Syria gu hagabuni ange gi Ephraim,” gai Ahaz ma ono dangada alodahi gu maatagu mmao ma de bolebole, gilaadeu gu bei denga manu ssomo i lodo henua e ilihia saele laa i de madangi.

Isaiah 7:13

Gai Isaiah ga hai ange, “De aamuli o David, goodou nnoho mai hagalaangona. E aha, goodou e hagataalea dangada i de golomagi olaadeu lodo? Gai gu aha goodou ga hagadalea ai naa de Maadua i de golomagi ono lodo i goodou?

1 Kings 3:5

De boo laa gai Tagi Maolunga ne hakide ange gi Solomon i Gibeon i de midi, gai de Maadua ga hai ange, “Dangidangi mai gi de au i oo mee e lodo ai, gai au ga gaavadu gi de goe!”

Matthew 2:12

Gai ne hagaago ange gi gilaadeu i de midi bolo gilaadeu gi dee aahe gi hulo gi daho Herod, gai gilaadeu ga aahe gi delaadeu henua i dahi haiava gee.

Matthew 27:19

Gai de masavaa o Pilate ne noho ai i honga dono nohoanga hagamodu muna, gai dono bodu ne aalu mai, ga hai ange, “Aude haia ange dahi mee daudahi gi taane heohi naa, go hiidinga au gu kona dogu duasala anailaa nei i ono hiidinga, i dagu midi.”

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

Revelation 19:7

Gidaadeu ga malangilangi ma de llodo danuaa, aama de hagamahamaha ia, go hiidinga gu dae mai de masavaa o de hagahai bodu o Ssiibi Gauligi, gai dono bodu gu lava i de hagadabena ono mee,