Matthew 1:16 - De Beebaa Dabu

¹⁶ Jacob ne hagadili Joseph, de bodu o Mary tinana o Iesu, e hagaingoo ange laa hogi go de Klisdo.

Matthew 1:16 Referans Kwoze

Matthew 27:17

Deelaa ai, de masavaa huu ne hagabuni ai dangada, aagai Pilate ga ssili ange gi gilaadeu, “Goai oodou e llodo au gi hagasao ina mai e gaavadu gi goodou? Go Barabbas, be go Iesu e hagaingoo ange laa hogi go Klisdo?”

John 4:25

De hine laa ne hai ange gi de ia, “Au e iloo bolo de Messiah (go de ia e hagabinga ange laa go Klisdo) e humai naa. Gai dono masavaa naa huu e humai ai, gai ia ga hagadonu mai mee alodahi gi gidaadeu.”

Luke 3:23

Gai Iesu gu dai matolu ono ngadau i de masavaa aana ne daamada ai dana duuhanga hegau. Gai dangada e maanadu bolo ia se dama daane nii Joseph, Joseph go tama daane a Heli,

Matthew 27:22

Pilate ne hai ange hogi gi gilaadeu, “Gai ni aha aagu e hai ange gi Iesu e hagaingoo ange laa go de Klisdo?” Dangada alodahi ne hai ange gi de ia, “Daudau ina ia i de laagau lui!”

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

Luke 2:48

Aagai ga gidee huu e luoono maadua ia, gai gilaau gu llele mouli, gai dono dinana ga ssili ange gi de ia, “Dagu Dama, gu aha gu hai hegau mai ai naa goe bee naa gi gimaau? Gimaau ma doo damana ne ssala saele goe ma de manavasaa mmao.”

Luke 2:7

Gai ia ga haanau dana dama daane madua, ga saabini i de malo saabini ga hagadagodo i de mommee gaimee o denga manu, go hiidinga gu deai selaadeu mommee i de hale gaainga.

Luke 1:27

gi daho dahi bua moe gu hagababa ange laa gi taane dono ingoo laa go Joseph, se hagadiilinga niio David. De ingoo o de bua moe laa go Mary.

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

Matthew 2:13

Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Matthew 1:15

Eliud ne hagadili Eleazar, Eleazar ne hagadili Matthan, gai Matthan ne hagadili Jacob.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Matthew 16:20

Aagai Iesu ga hai ange gi ana dangada agoago gilaadeu gi dee daalaa ange gi dangada bolo go ia de Klisdo donu.