Mark 9:10 - De Beebaa Dabu

¹⁰ Gai ana dangada agoago ne daohi mee laa i olaadeu lodo, ma de hagadau ssili be dee hee de hagadoonunga o de mouli age mai i de magau.

Mark 9:10 Referans Kwoze

Acts 17:18

Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age.

John 12:16

Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.

Mark 9:32

Aagai gilaadeu tee tonu ange gi ana muna, gai ne maatagu i de ssili ange gi de ia.

Matthew 16:22

Gai Peter ne kave Iesu ga hagasee, ga hai ange, “Tagi Maolunga, de Maadua e dee dugu ange donu gi hai mee nei! Mee nei e dee hai adu donu gi de goe!”

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Mark 9:9

Gai de masavaa huu olaadeu ne iho mai ai i honga de mounga, gai Iesu ga hai ange gilaadeu gi dee daalaa ange gi dangada mee alaadeu gu gidee laa, ga dae ai gi de mouli age o Tama a Tangada mai i de magau.

Mark 9:11

Gai gilaadeu ne ssili ange hogi gi Iesu, “Gu aha gu hagataba ai laa de gau sisi bolo Elijah e humai naa i mua?”