Mark 9:1 - De Beebaa Dabu

¹ Iesu ne hai ange hogi gi dangada, “Ni muna abodonu aagu e hai adu nei gi goodou, hanu dangada e tuu nei i kinei e dee maakau naa donu ga dae ai gi delaadeu gidee de nohoanga hodooligi o de Maadua e humai i de mmahi.”

Mark 9:1 Referans Kwoze

Luke 9:27

Ni muna abodonu aagu e hai adu nei gi goodou, e hanu donu dangada e tuu i kinei e dee maakau, ga dae ai gi de masavaa alaadeu e gide ai de nohoanga hodooligi o de Maadua.”

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

Mark 13:30

Ni muna abodonu aagu e hai adu nei gi goodou, de atangada nei e dee lilo naa donu gai gu hai mee nei alodahi.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Luke 22:18

Au e hai adu gi goodou, au e dee ahe ange naa donu e unu hua o de grapevine ga dae mai ai de nohoanga hodooligi o de Maadua.”

Luke 2:26

Gai de Hagasaalunga Dabu ne hagaago ange gi de ia bolo ia e dee magau ga dae ai gi dana gidee de Klisdo mai i daho Tagi Maolunga gu lava laa i de hagatoo donu.

Mark 13:26

De masavaa laa gai dangada e gidee naa Tama a Tangada e humai i honga denga giliiga i de mmahi ma de mahamaha.

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

John 21:23

Gai muna nei gu dele i magavaa o denga daina bolo tangada agoago laa e dee magau naa donu. Gai Iesu tee hagadaba loo bolo ia e dee magau, aagai ne hagadaba, “Noo au e lodo ia gi mouli ga dae ai gi dogu ahe mai, gai ni aha aau e hai ai?”