Mark 7:22 - De Beebaa Dabu

²² ma de nnoo hagamau mee, ma de baubau laumalie, ma de hadu muna, ma dahulinga hakino gee, ma de magiaa, ma de hai samu, ma de lodo maolunga, aama de lodo senga.

Mark 7:22 Referans Kwoze

Matthew 20:15

E aha, e dee heohi dagu hai be se aha oogu e lodo ai i agu mee donu? Aabe goodou gu lodo gaiaa naa i hiidinga au e abodonu?’

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 2:15

Gai de Maadua e lodo goodou gi haia tanuaa, gai goodou ga hai ai gi dee maua e gilaadeu e llodo ssenga i de tala hanu ngadi muna.

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

Matthew 6:23

gai noo e baubau luoo ganomada, gai doo angaanga alodahi gu gohu. Aagai noo gu hagagohu de maalama i oo lodo, gai gu kona donu de laumalie de gohu!

Ecclesiastes 7:25

Au ne hagammahi gi donu ange au, ma de ssala gi maua de heiangi ma ono dagodo, ma de hai gi donu ange au gi de baubau o de lodo senga ma de lodo senga e haia laa ga senga tangada.

Proverbs 28:22

Tangada gailalopoli e kona de lodo gi moolau dono lava, gai ia e dee iloo bolo ia e duu ange naa donu gi tuasala.

Proverbs 27:22

Ga dugidugia naa donu e goe tangada lodo senga i lo te mommee tugi, i magavaa o denga grain, gai e dee maua donu i de aau gee de lodo senga i ono daha.

Proverbs 24:9

Hagatau a tangada lodo senga e haisala, gai dangada e kino i tangada doo mee.

Proverbs 23:6

Aude gaina gai a tangada gailalopoli, aude lodo donu i ana gai mammami;

Proverbs 22:15

De lodo senga e dagodo i lodo o de gauligi, aagai de laagau haele e aau gee de lodo senga mai i ono daha.

Proverbs 12:23

Tangada maanetonu e dee tala ange gi dangada dana mee e iloo, aagai de gau llodo ssenga e hagaago mai donu delaadeu llodo ssenga.

Psalm 10:4

Tangada baubau e dee ssala de Maadua i dono lodo hagamaolunga; gai de Maadua e dee maleva donu i lodo ana maanadu alodahi.

2 Chronicles 32:31

Gai de masavaa a denga dagi o Babylon ne hai ai gi loomai hanu daane gi siilia dagodo o mee hagalele mouli gu hai laa i de henua, gai de Maadua tee bale ange ia, gai ne hagatale ia e tilo ai mee alodahi i ono lodo.

Deuteronomy 28:56

Gai de hine daudonu ma de dahi ana maanadu ange gi dangada i oodou magavaa — ia e dee duu ange naa donu luoono vae gi honga de gelegele, i hiidinga dono daudonu ma de dahi ana maanadu ange gi dangada — e gailalopoli ange naa gi dono bodu, ma dana dama daane ma dana damaa hine, oona e aloha ai laa,

Deuteronomy 28:54

Gai tangada daudonu ma de dahi ana maanadu ange gi dangada i oodou magavaa, e dee abodonu ange naa donu gi dono daina, ma dono bodu, aama ana dama goi mouli laa;

Deuteronomy 15:9

Gai koe aude maanadu baubau, ma gi hagadaba, “De hidu ngadau e degi ange ai gi muli a dangada gu baa mai donu,” gai koe ga dee gaavange ai dahi mee gi doo daina gu hagaaloha abodonu laa; gai noo ia e dangi ange ai gi Tagi Maolunga, gai koe e haisala ai donu.

Psalm 119:36

Hagahulia ange ogu lodo gi au muna, e dee go de nnoo hagamau mee.

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Mark 7:21

Go hiidinga mee e ssao mai i lodo o tangada, go denga maanadu baubau, ma de hai be se manu, ma de gaiaa, ma de daa tangada gi magau, ma de gaiaa de bodu o tangada,

Mark 7:23

Go mee baubau nei alodahi e ssao mai i lodo o tangada e haia ga dee gilimalali ia.”