Mark 4:4 - De Beebaa Dabu

⁴ Gai de masavaa huu aana ne hagamalili ai ana golee, gai hanu gu too ange gi gaogao de haiava, gai denga manu llele ga loomai ga gai.

Mark 4:4 Referans Kwoze

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Mark 4:15

Hanu dangada e bei dagodo o denga golee e too ange laa gi gaogao de haiava. De masavaa alaadeu ne langona ai muna a de Maadua, gai ne moolau donu de humai o Satan ga kave gee muna gu doo ange laa gi olaadeu lodo.

Matthew 13:4

Gai de masavaa huu ne hagamalili ai ana golee, gai hanu ne too ange gi gaogao de haiava, gai denga manu llele ga loomai ga gai.

Genesis 15:11

Gai gu loiho denga manu llele e gaina laa kano o denga manu maakau e gai mee laa, gai Abram ga dugi gilaadeu.

Luke 8:12

Golee ne too ange laa gi gaogao de haiava, go dangada e langona laa muna nei; gai de ia hagabaubau laa ga humai ga kave gee muna laa i olaadeu lodo, gi dee hagadonusia ai e gilaadeu, gai gilaadeu gu hagamouli.

Luke 8:5

“E dahi daane hai veelenga ne hano e doo ana golee. Gai de masavaa huu aana ne hagamalili ai ana golee, gai hanu gu too ange gi gaogao de haiava, gai dangada ne dagadagahi gi lalo olaadeu vae, gai denga manu llele ga loomai ga gai.

Mark 4:3

“Goodou nnoho mai hagalaangona! E dahi daane hai veelenga ne hano e doo ana golee.

Mark 4:5

Hanu ne too ange gi honga mommee haduhadua, go de mommee e dee maadolu de gelegele iai. Gai ne moolau donu de ssomo age, go hiidinga e daballahi de gelegele i kilaa.