Mark 3:9 - De Beebaa Dabu

⁹ Gai Iesu ne hai ange gi ana dangada agoago gi hagadabena ina dahi boose e gage ange ia aagena, gi dee hagakabi ina ai e dangada ia, i hiidinga gu soa mmao dangada.

Mark 3:9 Referans Kwoze

John 6:15

Gai ga iloo huu e Iesu bolo dangada gu paba ange e loomai e hai gi de mahi ia, e hai ai delaadeu hodooligi, gai ia ga hagalilo ange hogi ga hanage sogosogo gi de mounga.

Mark 5:30

Gai Iesu gu iloo e ia bolo ssauaa gu sao ma gu hano mai i ono daha, gai ia ga huli dua i magavaa o dangada ga ssili, “Goai gu boogia mai nei ogu malo?”

Matthew 15:39

Gai Iesu ga hai gi hulo dangada, gai ia ga gage i de boose ga hano ai gi de mommee go Magadan.

Mark 4:1

Gai Iesu ne agoago ange hogi i gaogao de vai. Gai dangada soa mmao ga hagabuni mai gi ono daha, gai ia ga gage age ga noho i honga dahi boose i honga de vai, gai dangada e nnoho i gaogao de vai.

Mark 4:36

Gai ga hulo gee huu gilaadeu i daho dangada soa laa, gai ana dangada agoago ne kave ia bei dono hai nogo noho ai laa i lo te boose. Gai ne hanu ange boose ne hulo madali ia.

Mark 5:2

Gai de masavaa o Iesu ne doo age ai i de boose, gai dahi daane iai denga hagasaalunga baubau gu sao mai i magavaa o denga daanunga.

Mark 6:32

Gai gilaadeu ne kage i de boose e hulo gi dahi mommee e deai dangada iai.

Luke 5:1

Dahi laangi gai Iesu ne duu i gaogao de vai go Gennesaret, gai dangada gu hagakabi ia i delaadeu loomai e hagallongo muna a de Maadua,

Luke 5:3

Gai ia ga gage ange gi honga dahi luu boose laa, go de boose o Simon, ga dangidangi ange ia gi usu ina de boose gi damaa mmao adu i de henua. Gai Iesu ga noho i honga de boose laa ga agoago mai ai dangada.