Mark 15:19 - De Beebaa Dabu

¹⁹ Gai gilaadeu ga hagailiili dono biho i de laagau ma de savasavale ange gi de ia, aama de duuduli ga ino ange gi de ia.

Mark 15:19 Referans Kwoze

Mark 14:65

Gai hanu gilaadeu ne daamada de savasavale ange gi Iesu, ga nnoa luoono mada i de malo ga dugidugi ia i olaadeu lima, gai gilaadeu ga hai ange gi de ia, “Daalaa mai be goai ne duugia laa goe!” Gai de gau hagaloosi ne kave hogi ia ga hagailiili.

Hebrews 13:13

Deenei ai, gidaadeu ga ssao e hulo gi ono daha i tua de mommee nnoho gaainga, ma de kave de hagadogaa aana ne hagauda laa.

Philippians 2:10

gai alodahi e duuduli naa ga hagadubu de ingoo o Iesu, i de langi ma henua i lalo, aama lalo de gelegele,

Romans 11:4

Gai aahee muna a de Maadua ne hai ange gi de ia? “Au gu hagadoe e hidumano dangada, tigi ino laa e daumaha ange gi Baal.”

Luke 23:36

Denga daane hebagi ne hagammae manava hogi ia, ga gaavange hanu uvaini mmala ia gi unumia,

Luke 23:11

Gai Herod ma ono daane hebagi ne hagangadi mee Iesu ma de hagammae manava ia. Gai gilaadeu ga hakahu ia i hanu malo danuaa ga hagaahe ia gi daho Pilate.

Luke 22:63

Gai denga daane e hagaloosia laa Iesu ne doo ai mee ma de hagailiili ia.

Mark 10:34

gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.

Isaiah 52:14

Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 45:23

Au gu hagatoo donu i dogu ingoo, gai au gu tala muna nei i de heohi, gai e dee haihai naa donu ga hagaahe dua: Dangada alodahi e duuduli naa ga ino i mada luoogu mada; gai gilaadeu alodahi e hagatoo donu naa i dogu ingoo.

Psalm 69:12

Dangada i gaogao de haitoga o de buibui e pasa i de au, gai de gau ssenga gu hadu dahi daahili i de au.

De Beebaa go Job 13:9

E aha, e danuaa adu naa gi goodou noo ia e tilo oodou dagodo? E maua naa e goodou i de daahanga de Maadua, bei doodou daahanga dangada?

1 Kings 19:18

Aagai au gu hagaola e hidumano dangada i Israel; go gilaadeu alodahi tigi ino e daumaha ange gi Baal, aabe e oso ia.”

Genesis 43:28

Gilaadeu ne hai ange, “Doo dangada hai hegau, go demaadeu damana e dee beaha, gai ia goi mouli huu.” Gai gilaadeu ne ino ange hogi i ono mada i mua.

Genesis 24:52

Gai ga langona huu e taane hai hegau o Abraham alaau muna, gai ia ga ino gi honga de gelegele ga daumaha ange gi Tagi Maolunga.

Matthew 27:30

Gai gilaadeu ga savasavale ange gi de ia, ga kave togo laa ga hagailiili ai dono biho.

Mark 15:18

Gai gilaadeu ga daamada de hagaboo ange gi de ia, ga hai ange, “De laangi danuaa, de hodooligi o de gau Ssuu!”

Mark 15:20

Gai ga lava huu i delaadeu hagammae manava ia, gai gilaadeu ga hagaui de malo purple laa, gai ga hakahu ange ia i ono malo donu. Gai gilaadeu ga dagi ia ga kave e daudau i de laagau lui.