Mark 14:72 - De Beebaa Dabu

⁷² De masavaa laa donu huu gai gu goo de gaagoo daane i de lua hanonga. Gai Peter gu manadua e ia muna a Iesu ne hai ange gi de ia, “I mua de goo o de gaagoo daane i de lua hanonga, gai koe e hagadee iloo naa donu au i e dolu hanonga.” Gai ia gu dangi mmao.

Mark 14:72 Referans Kwoze

Mark 14:30

Iesu ne hai ange gi de ia, “Ni muna abodonu aagu e hai adu nei gi de goe, aaboo nei, i mua de goo o de gaagoo daane i e lua hanonga, gai koe e hagadee iloo naa donu au i e dolu hanonga.”

Mark 14:68

Aagai Peter ga hagadee iloo ana muna, ga hai ange, “Au e dee iloo donu aabe e donu adu gi aau mee e tala mai naa.” Gai ia ga sao ga hano gi honga de velanda. Gai de gaagoo daane gu goo.

Ezekiel 7:16

Gai dangada e ola laa e saavini naa ga hulo gi denga mounga, gilaadeu e tangi naa bei denga manu kono i lodo geelonga, dahi ma dahi e dangi naa i hiidinga o ono baubau.

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

Luke 22:62

Gai Peter ga sao ga hano gu kona mmao dono dangi.

Luke 22:60

Aagai Peter ga hai ange, “Taane nei, au e dee iloo donu au mee e tala mai naa!” De masavaa o Peter e tala ai ana muna, gai gu goo de gaagoo daane.

Matthew 26:34

Iesu ne hai ange gi de ia, “Ni muna abodonu aagu e hai adu nei gi de goe, i mua de goo o de gaagoo daane aaboo nei, gai koe e hagadee iloo naa donu au i e dolu hanonga.”

Ezekiel 36:31

Gai goodou e manadua naa oodou hegau baubau ma oodou dahulinga baubau, gai goodou e kino naa i oodou dagodo, i hiidinga o oodou baubau ma oodou dahulinga hakino gee.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

2 Samuel 24:10

Aagai David gu donu iho bolo ia gu haisala i dana hai gi daulia taelodo o dangada. Gai ia ne hai ange gi Tagi Maolunga, “Au gu haisala mmao i dagu hai de hegau nei. Aagai iainei, Tagi Maolunga, au e dangidangi adu, degi mai gi de au, doo dangada hai hegau; go hiidinga au ne lodo senga.”

Mark 14:71

Aagai Peter ga daamada de hagamalaia donu huu ia ma de hagatoo donu, ga hagadaba, “Au e dee iloo donu taane oodou e pasa mai ai naa!”