Mark 14:40 - De Beebaa Dabu

⁴⁰ Ia ne ahe mai ange hogi gu gidee gilaadeu gu sseni, go hiidinga gilaadeu gu daia ange donu de sseni. Gai gilaadeu gu dee iloo be aahee alaadeu muna e pasa ange ai gi de ia.

Mark 14:40 Referans Kwoze

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Genesis 44:16

Judah ne hai ange, “Dogu dangada aamua, dee hee naa demaadeu hai e pasa adu ai i de mee nei? Gai dee hee demaadeu hai e hagaago adu ai bolo gimaadeu e dee haisala? De Maadua gu hagaago mai haisala o oo dangada hai hegau. Deenei ai, gimaadeu gu ni dangada hai hegau niiou, go gimaadeu alodahi madali tama ne gidee mai laa de ubu i ono daha.”

Mark 14:39

Gai ia ne ahe ange hogi ga dalodalo, ga tala ana muna mau.

Mark 14:41

Ia ne ahe mai ange hogi i tolu hanonga ga hai ange gi gilaadeu, “Goodou goi sseni naa huu ma e hagammabu? Gu lava; gu dae mai de aoaa! Tilo, Tama a Tangada e gaavange naa gi de gau haisala.

Luke 9:32

Gai Peter ma luoono soa ange laa gu sseni tao. Gai de masavaa huu olaadeu ne alahage ai, gai gilaadeu gu gidee de mahamaha o Iesu aama luu daane e tuu laa madali ia.