Mark 14:35 - De Beebaa Dabu

³⁵ Gai ia ne damaa hanadu ange, ga hagabaguu gi honga de gelegele ga dalodalo be e maua, gai gi haia ga ui gee de aoaa laa i de ia.

Mark 14:35 Referans Kwoze

Mark 14:41

Ia ne ahe mai ange hogi i tolu hanonga ga hai ange gi gilaadeu, “Goodou goi sseni naa huu ma e hagammabu? Gu lava; gu dae mai de aoaa! Tilo, Tama a Tangada e gaavange naa gi de gau haisala.

Revelation 5:14

Gai denga mee mouli e haa laa ga hagataba, “Amen,” gai denga daane maatua laa ga ino gi lalo ga daumaha.

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

2 Chronicles 7:3

De masavaa a de gau Israel alodahi ne gidee ai de hano iho o de ahi laa ma de mahamaha o Tagi Maolunga i honga de temple, gai gilaadeu ga ino gu paa olaadeu mada gi honga de gelegele, ga daumaha aama de hagaahe ange de abodonu gi Tagi Maolunga, ga hagataba, “Ia e danuaa, dono abodonu e dagodo ga hano ai.”

Deuteronomy 9:18

Gai au ne hano ga dagodo i honga de gelegele i mada luu mada o Tagi Maolunga i e madahaa laangi ma e madahaa boo, bei agu hegau gu hai i mua, au tee gaimee donu be ne unu, i hiidinga haisala alodahi oodou gu haisala ai; goodou gu hai dahi baubau laumalie i mada luu mada o Tagi Maolunga ma gu hai ai ia gi lili.

Genesis 17:3

Gai Abram ga ino gu baa luoono mada gi honga de gelegele, gai de Maadua ga basa ange gi de ia, ga hai ange,

Revelation 4:10

gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,

Matthew 26:45

Gai ia ga ahe mai gi daho ana dangada agoago ga hai ange gi gilaadeu, “Goodou goi sseni naa huu ma e hagammabu? Tilo, gu dae mai de aoaa e gaavange ai Tama a Tangada gi de gau haisala.

Luke 22:41

Aagai Iesu ga hano gee mai i olaadeu daha, agu made dono mmao e bei de mmao o de hadu a dahi e maga laa, aagai ia ga duuduli ga dalodalo,

John 12:23

Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada.