Mark 14:27 - De Beebaa Dabu

²⁷ Gai Iesu ne hai ange gi ana dangada agoago, “Goodou alodahi e odi naa donu i de tili au, go hiidinga gu sisi e hai ange, ‘Au e daa naa tangada hagaloosi, gai denga ssiibi e mavaevae saele naa.’

Mark 14:27 Referans Kwoze

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

Matthew 26:31

Iesu ne hai ange gi ana dangada agoago, “Aaboo nei gai goodou alodahi e odi naa donu i de tili au, go hiidinga gu sisi e hai ange, ‘Au e daa naa tangada hagaloosi, gai de hagabuulingaa ssiibi e mavaevae saele naa.’

John 16:1

Au gu tala adu mee nei gi goodou gi dee aahe dua ai goodou.

2 Timothy 4:16

Tahi hanonga ne hagamodu ai ogu muna, gai teai donu se dangada ne balea mai au, gai dangada alodahi ne tili au. Gai de baubau nei gi dee dau ange donu gi gilaadeu!

Matthew 11:6

Gai e manuuia tangada e dee ahe dua i ogu hiidinga.”