Mark 14:11 - De Beebaa Dabu

¹¹ Gai ga langona huu e gilaadeu, gai gilaadeu gu malangilangi, ga hagatoo donu ange bolo gilaadeu e hagao ange ia i hanu sseene. Gai ia ne ssala dana hai e gaavange ai Iesu.

Mark 14:11 Referans Kwoze

1 Timothy 6:10

Gai taadeu nnoo ange gi denga sseene go taamada donu o denga hagadaagangaa baubau alodahi; gai aanei donu hiidinga o hanu gu hulo gee mai ai laa i de gai abodonu, gai olaadeu lodo gu velosia i denga mee hagammae lagolago.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Matthew 26:15

ga ssili ange, “Ni aha oodou e hagao mai ai au noo au e gaavadu Iesu gi goodou?” Gai gilaadeu ne hagao ange ia i e matolu dibaa selevaa.

Hosea 7:3

Gilaadeu e hagamalangilangi denga hodooligi i alaadeu dahulinga baubau, gai e hagamalangilangi denga dagi i alaadeu muna hhadu.

2 Kings 5:26

Aagai Elisha ne hai ange gi de ia, “Dogu hagasaalunga ne hano madali goe, i de masavaa o taane laa ne iho mai ai i honga dono hada ga hedae adu gi de goe. E aha, deenei de masavaa e kave ai sseene, ma malo, ma veelengaa olive ma veelengaa grape, ma ssiibi, ma kaau aama daane ma haahine hai hegau?

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

Matthew 26:14

Aagai dahi i magavaa o tinoangahulu ma dogolua, e hagaingoo ange laa go Judas Iscariot, ne hano gi daho de gau haimeedabu maolunga,

Mark 14:10

Aagai Judas Iscariot, go dahi i magavaa o tinoangahulu ma dogolua, ne hano gi daho de gau haimeedabu maolunga e gaavange Iesu gi gilaadeu.

Mark 14:12

Gai tahi laangi huu o Taonga o Pelaoaa Dee Hagahua, go de laangi alaadeu e daa ai ssiibi o Taonga Hagasili, gai ana dangada agoago ga ssili ange gi de ia, “Go hee aau e lodo gimaadeu gi hagadabena ina ai Taonga Hagasili e gaimee ai goe?”

Luke 22:3

Aagai Satan ne ulu gi lodo o Judas dahi ono ingoo laa go Iscariot, go dahi i magavaa o tinoangahulu ma dogolua.