Mark 10:48 - De Beebaa Dabu

⁴⁸ Gai dangada ne hagasee ia, ga hai ange ia gi dee hagalongaa. Aagai ia ga kii ange donu de oo ga hai ange, “Tama a David, lodo aloha mai gi de au!”

Mark 10:48 Referans Kwoze

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Luke 18:39

Gai dangada e seesee i mada i mua ga hagasee ia gi dee hagalongaa. Aagai ia ga kii ange donu de oo ga hai ange, “Tama a David, lodo aloha mai gi de au!”

Mark 5:35

De masavaa o Iesu e basa ange ai gi de hine laa, gai hanu daane mai i de hale o tagi o synagogue gu loomai, ga hai ange gi de ia, “Dau damaa hine gu magau. Gai gu aha gu hakoso ai naa goe Tangada Agoago?”

Matthew 20:31

Gai dangada ne hagasee gilaau, ga hai ange gilaau gi dee hagalongaa, aagai gilaau ga kii ange donu de oo ga hai ange, “Tagi Maolunga, Tama a David, lodo aloha mai gi gimaau!”

Matthew 19:13

Gai dangada ne gaamai denga gauligi vaaligiligi gi Iesu gi dugua ange dono lima gi olaadeu elunga, ma de dalodalo i gilaadeu. Gai ana dangada agoago ga hagasee gilaadeu.

Jeremiah 29:13

Goodou e ssala naa ga gidee e goodou au, noo goodou e hagammahi e ssala i oodou lodo alodahi.

Psalm 62:12

gai koe, de Ia Aamua, e lodo aloha mmao. Koe e sui ange mee a tangada gu hai gi bei dagodo o ana hegau.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Matthew 9:27

De masavaa o Iesu ne seesee ai e hano gee mai i kilaa, gai e dogolua daane dee kide ne daudali ange i de ia, ma de hevaalogi ga hai ange, “Tama a David, lodo aloha mai gi gimaau!”

Mark 10:13

Dangada ne gaamai hogi denga gauligi gi Iesu gi dugua ange dono lima gi olaadeu elunga, aagai ana dangada agoago ga hagasee gilaadeu.