Mark 1:5 - De Beebaa Dabu

⁵ Gai dangada alodahi i de henua go Judea ma Jerusalem, ne hulo ga babudaisi i ono daha i ssaalingaa vai go Jordan, ma de tala olaadeu haisala.

Mark 1:5 Referans Kwoze

Acts 19:18

Gai gu soa hogi dangada gu hagadonusia laa ga loomai ga tala dagodo o alaadeu hegau baubau gu hai.

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

John 3:23

De masavaa laa gai John e babudaisi dangada i Aenon, se mommee e baa ange gi Salim, i hiidinga e lagolago vai i kilaa, gai dangada ne loomai ga babudaisi i ono daha.

John 1:28

Mee nei alodahi ne hai i Bethany i de baasi dua o Jordan, go de mommee a John e babudaisi ai dangada.

Matthew 4:25

Gai e soa dangada ne loomai i Galilee ma Decapolis, ma Jerusalem, ma Judea aama de baasi laa o Jordan ga daudali saele i de ia.

Proverbs 28:13

Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

Mark 1:4

Gai a John ne humai ga babudaisi i de vao ma de agoago dagodo o de babudaisi, ma de dahuli o de lodo gi maatala ai denga haisala.

Mark 1:6

Gai malo o John e hai i huluhulu o de gamelo, dono beele ni gili kaau, gai ia e gai itebuubuu ma hooni lodo henua.

John 5:35

A John e bei de laama ula e hagamaalama ai laa, gai goodou ne malangilangi i dono maalama i dahi damaa masavaa.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.