Malachi 4:5 - De Beebaa Dabu

⁵ Tilo, au e hai gi hanadu de pelaabisi go Elijah gi oodou daha, i mua de dae mai o de laangi maolunga, ma de hagamaatagu o Tagi Maolunga.

Malachi 4:5 Referans Kwoze

Luke 1:17

Gai ia e hano naa i mada i mua o Tagi Maolunga, i ssauaa o de hagasaalunga ma mahi o Elijah, ga hai gi daahuli mai denga damana gi alaadeu dama, ma de hai gilaadeu e dee hagallongo i muna, gi maua de heiangi o olaadeu e heohi — aama de hagadabena dahi huaadangada ange gi Tagi Maolunga.”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

John 1:21

Gilaadeu ne ssili ange hogi gi de ia, “Gai go koe donu goai? Go koe go Elijah?” Gai ia ga hai ange, “E deai!” “Gai go koe de pelaabisi laa?” Ia ne hai ange, “E deai.”

Joel 2:31

De laa e hagagohu naa, gai de maasina e bei naa denga dodo, i mua de dae mai de laangi maolunga ma de hagamaatagu o Tagi Maolunga.

Isaiah 40:3

De leo o dahi e oo ma e hagadaba: “Hagadabena ina de haiava o Tagi Maolunga i lodo henua; hagasoea de haiava laumalie o taadeu Maadua i de vao.

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

John 1:25

ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”

Luke 9:30

Gai tilo, e dogolua daane, Moses ma Elijah,

Zephaniah 1:14

De laangi maolunga o Tagi Maolunga gu baa mai, gu baa mai donu, gai e moolau mai naa donu. De tangi o dangada i de laangi o Tagi Maolunga e kona naa donu; denga daane hebagi e tangi naa hogi.