Malachi 4:2 - De Beebaa Dabu

² Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Malachi 4:2 Referans Kwoze

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Luke 1:78

ma hiidinga de lodo aloha o taadeu Maadua, e haia laa ga humai de maalama o de langi gi odaadeu daha,

John 8:12

Gai Iesu ga ahe ange ga basa ange gi gilaadeu, ga hai ange, “Go au de maalama o henua i lalo. Tangada e daudali mai i de au e dee seesee i de gohu, gai ia e hagamaalama i de maalama o de mouli.”

Isaiah 53:5

Aagai ia ne hagalagohia i hiidinga odaadeu haisala, ia ne hagammae i hiidinga odaadeu baubau; ia ne hagaduasala gi maua ai e gidaadeu de baba, gai ono maanuga ne hagaieiangi gidaadeu.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

John 1:4

Go ono daha iai de mouli, gai de mouli laa go de maalama o dangada.

2 Samuel 23:4

ia e bei de maalama o de laa i taiao, ma de laa e dii laa i de laangi e deai hagausinga iai, ma de maalama i dua de pala de langi e hagassomo ina laa helii i honga de gelegele.’

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.

2 Peter 1:19

Gai gu kii ange donu hagadonu muna a denga pelaabisi, gai e heohi hogi doodou kana ange ga hagallongo, bei doodou hai e daumada ai de laama e maalama laa i de mommee gohu, ga dae ai gi de ao de mee, gai de heduu o taiao gu sobo age i oodou lodo.

Ruth 2:12

Tagi Maolunga gi hagamanuuia ina goe i hiidinga au hegau gu hai, gai gi laumalie doo manuuia mai i daho Tagi Maolunga, go de Maadua o de gau Israel, oou gu humai naa gi ono daha gi buibuia goe i lalo de malu o luoono bakau.”

Revelation 2:28

Gai au e gaavange naa gi de ia de heduu o taiao.

Psalm 147:3

Ia e hagaieiangi naa gilaadeu gu daemaha olaadeu lodo, ma de saabini olaadeu maanuga.

Psalm 103:3

Ia e degi adu gi oo baubau alodahi, ma de hagaieiangi oo magi alodahi;

Matthew 11:5

de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Isaiah 35:6

Gai de gau balagelage e ssobo naa ga llele bei dahi dia, gai tangada lau de alelo e daahili i de malangilangi. Denga vai e ssali age naa i lodo henua, gai e hanu naa saalingaa vai i de vao.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 9:2

Dangada e seesee i lo te gohu e gidee naa dahi maalama laumalie; gai gilaadeu e nnoho i de henua gohu boo dangodango, de maalama e sula ange naa gi gilaadeu.

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Psalm 67:1

De Maadua gi abodonu mai ma de hagamanuuia gidaadeu aama de hagamaalama gidaadeu i de maalama o luoono mada, Selah

Revelation 11:18

Denga huaahenua gu llili, aagai koe gu bole; gai de masavaa e hagamodu ai muna o de gau maakau, ma de hagao ange ai oo dangada hai hegau go denga pelaabisi ma dangada o de Maadua, go gilaadeu e maatagu i doo ingoo, go gilaadeu e maolalo ma gilaadeu e maolunga — aama de daa gi maakau gilaadeu e oohaa henua i lalo.”

1 John 2:8

Gai ni muna hoou hogi aagu e sisi adu nei gi goodou, gai se muna abodonu i lodo o Klisdo aama oodou lodo hogi, go hiidinga de gohu ga lilo nei donu, gai de maalama abodonu gu sula age donu.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

John 1:8

E dee go John de maalama laa; gai ia ne humai e tala hagadonu dagodo o de maalama laa.

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Jeremiah 17:14

Tagi Maolunga, hagaieiangi ina au, gi ieiangi ai au; hagaola ina au, gi ola ai au, i hiidinga go koe aagu e tuhi.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.