Malachi 3:13 - De Beebaa Dabu

¹³ Gu kona mmao de hagadaemaha oodou muna e hai baasi mai ai gi de au, go Tagi Maolunga e hagadaba. Aagai goodou e ssili, ‘Aahee amaadeu muna ne hai baasi adu ai gi de goe?’

Malachi 3:13 Referans Kwoze

Malachi 2:17

Goodou gu hakoso Tagi Maolunga i oodou muna. Aagai goodou e ssili, “Dee hee demaadeu hai ne hagadalea ai ia?” Go doodou hagataba, “Dangada alodahi e haia de baubau e danuaa donu huu i mada luu mada o Tagi Maolunga, ia e malangilangi donu i gilaadeu,” aabe go doodou ssili, “I hee iai donu de Maadua o de heohi?”

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.

Malachi 2:14

Gai goodou e ssili, “Gu aha?” Go hiidinga Tagi Maolunga go ia e hagadonu ai mee i ooluu magavaa ma doo bodu, i doo masavaa goi dama daane ai. Koe tee hai hegau ange gi doo bodu i de mee abodonu, e dee galemu donu go ia doo soa, ma doo bodu ne hai i de hagatoo donu hagaheloongoi.

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

De Beebaa go Job 40:8

E aha, koe e hai gi dee sula dagu hagamodu heohi? Koe e hagamodu ogu muna gai ga hagaheohi goe?

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Malachi 3:8

E aha, e heohi de gaiaa a tangada mee a de Maadua? Gai goodou gu gaiaa donu agu mee! Aagai goodou e ssili, ‘Dee hee demaadeu hai ne gaiaa ai au mee?’ Goodou ne gaiaa dahi diba i diba e madaangahulu ma denga sigidaumaha.

Isaiah 5:19

gai dangada e hagataba laa, “Tagi Maolunga gi hagamoolau, ia gi moolau de hai ana hegau gi gidee ai gimaadeu. Haia mee nei gi tae mai, gai gi moolau de hai hegau a de Ia Dabu o Israel, gi iloo ai e gimaadeu!”

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

Isaiah 46:12

Goodou de gau makaga oodou lodo, nnoho mai hagalaangona agu muna; go goodou e mmao gee i de mee heohi:

Jeremiah 44:18

Aagai dua demaadeu dee dudu mee manongi ange gi de hine hodooligi o de langi, ma de sigidaumaha ange mee unu gi de ia, gai gimaadeu gu deai donu amaadeu mee, gai gu daia ma gu maakau i de gadilaasa ma de onge.”

Ezekiel 18:25

Gai goodou e hagataba, ‘Hegau a de Ia Aamua e hai e dee heohi donu.’ De gau Israel, goodou hagalaangona agu muna: E aha, gu dee heohi nei agu hegau? E dee go goodou gu dee heohi naa oodou hegau?

Hosea 7:16

Gilaadeu e aahe mai, aagai tee aahe mai gi de au, de Ia Maolunga Mmao laa: gilaadeu e bei de mee hholu e deai mee e kii ange ai. Olaadeu dagi e maakau naa i de gadilaasa i hiidinga o alaadeu muna hagamaolunga. Gilaadeu e hagadookaa ina naa i de henua go Egypt i hiidinga o de mee nei.

Malachi 3:12

Gai denga huaahenua alodahi e hagataba naa bolo goodou gu manuuia, i hiidinga doodou henua gu se mommee hagamalangilangi, go Tagi o denga hagabuulinga hebagi e hagadaba.

Malachi 3:14

Goodou ne hagataba, ‘E deai donu haigamaiana demaadeu daumaha ange gi de Maadua. Gai ni aha amaadeu ne mau i demaadeu hai gi bei ana muna, ma de hagadaemaha omaadeu lodo i mada luu mada o Tagi o denga hagabuulinga hebagi?

De Beebaa go Job 15:13

ma de hagaago ange doo lili gi de Maadua, gai koe ga tala ai au muna naa?

Isaiah 3:8

Jerusalem e oha naa ga maoha, gai Judah e hagadee kii ina naa, i hiidinga alaadeu muna ma hegau e hai baasi ange gi Tagi Maolunga, ma de hagangadi mee dono mahamaha.

Ezekiel 35:13

Koe ne basa hagamaolunga mai donu gi de au, gai ne lagolago au muna ne hai baasi mai ai gi de au, gai au gu langona au muna.