Malachi 3:11 - De Beebaa Dabu

¹¹ Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.

Malachi 3:11 Referans Kwoze

Deuteronomy 11:14

gai ia e hai naa gi pala iho de langi gi honga doodou henua i ono masavaa donu, go de langi i taamada ma de hagaodi o de ngadau, gi maua ai e goodou i de hagabudu oodou grain, ma de hai oodou uvaini hoou ma lolo olive.

Joel 2:22

Denga manu lodo henua, goodou aude maatagu, denga mommee iai helii i lodo henua gu dai aahe ange naa ga lau kohu. Denga manu ssomo gu dai hhua naa, de fig ma de grapevine ngaadahi gu hhua lagolago.

Zechariah 8:12

Gilaadeu e doo naa denga golee i de masavaa o de nnoho paba. De grapevine e hua naa, gai de gelegele e lagolago naa huamanu e maua ai, gai de maluulu o taiao e hano iho naa i de langi ga hagamaluulu de gelegele. Au e gaavange naa gi dangada e doe mee nei alodahi.

Joel 2:20

Au e kave gee naa denga itebuubuu mai i ngaiho gi mmao gee mai i goodou, ga hai gi hulo gi de vao e deai laa vai iai gai se ngadi mommee. Denga itebuubuu e hulo i mua, e too ange naa gi lo te dai i baasi i dua, gai denga itebuubuu e loomai i muli e too ange naa gi lo te dai i baasi dai; gai e maakau naa ga pilo, i hiidinga ia gu hai hanu hegau hagalele mouli.”

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

Amos 4:9

Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Joel 1:12

De grapevine gu magau, de fig gu mmae; de pomegranate, ma de palm aama de apple hogi, denga manu ssomo alodahi gu odi i de maakau. Gai gu deai donu se malangilangi i daho dangada.

Jeremiah 8:13

Au e lodo e hagihagi gilaadeu, go Tagi Maolunga e hagadaba. Gai e deai donu hua de grapevine. E deai hogi hua o denga fig, gai olaadeu lau gu mmae. Agu mee alodahi gu gaavange gi gilaadeu e kave gee naa donu mai i olaadeu daha.”

Joel 1:7

Gilaadeu gu oha agu grapevine, ma de hagabaubau agu fig. Gai gu holehole ma gu deai gili o denga manu, gai laa o denga manu gu tea.

Hosea 2:21

De laangi laa, gai au e basa ange naa, go Tagi Maolunga e hagadaba, au e basa ange naa gi de langi, gai de langi e hai naa ga pala iho de langi gi honga de henua;

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Haggai 1:11

Au gu hagahi tau laohie gi hano iho gi honga oodou veelenga ma honga mounga, ma honga denga grain, ma grapevine, ma denga olive e hai ai laa lolo, ma honga mee alodahi e ssomo i honga de gelegele, ma honga o dangada, ma denga manu haangai, aama hegau alodahi oodou e hai.”