Malachi 2:7 - De Beebaa Dabu

⁷ Tangada haimeedabu gi daohia de iloo mee i ana muna e tala, gai dangada gi gaavee ana muna gi agoago ai, i hiidinga go ia tangada e daalaa muna a Tagi o denga hagabuulinga hebagi.

Malachi 2:7 Referans Kwoze

Leviticus 10:11

gai goodou agoago ina ange de gau Israel i muna alodahi a Tagi Maolunga gu hagasauaa ma gu tala ange gi Moses.”

Deuteronomy 21:5

Gai ga lava naa huu mee nei, gai de gau haimeedabu i de aamuli o Levi gi loomai gi tuu i gaogao de manu laa, i hiidinga go gilaadeu a Tagi Maolunga doodou Maadua gu hilihili gi hai hegau ange gi de ia, ma de hagamanuuia dangada i de ingoo o Tagi Maolunga; go gilaadeu e hagaheohi ina denga dee heloongoi ma hebagi alodahi i magavaa o dangada.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Ezra 7:10

Gai Ezra gu hagababa i ono lodo bolo ia ga hagamaumau hainga a Tagi Maolunga ma de daudali ai, aama de agoago ana muna gu hagasauaa aama ana hainga i Israel.

2 Chronicles 30:22

Gai Hezekiah ga hagammahi ange lodo o denga daane alodahi o de aamuli o Levi e aabo laa i de hai hegau a Tagi Maolunga. Gai dangada ne gaimee i taonga i e hidu laangi, ma de hai denga sigidaumaha hagadanuaa magavaa ga hagaahe ange ai de abodonu gi Tagi Maolunga, de Maadua o olaadeu dubuna madagidagi.

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Haggai 1:13

Gai Haggai, tangada hagailoo o Tagi Maolunga, ne tala ange muna a Tagi Maolunga gi dangada, ga hai ange, “Au madali goodou,” go Tagi Maolunga e hagadaba.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Isaiah 44:26

go au e hagassula ina muna a ogu dangada hai hegau, aama de hagassula muna pelaabisi a ogu dangada hagailoo. Au e hagadaba i dagodo o Jerusalem, ‘Dangada e aahe ange naa ga nnoho ai,’ ma de hagadaba i dagodo o aduhale o Judah, ‘Denga aduhale e hagatuu age ange naa, gai au e hagaahe age naa mommee gu maoha laa.’

Deuteronomy 24:8

Noo koe gu magi lebelaa, gai koe kana ange haia gi bei muna alodahi a de gau haimeedabu, go daane de aamuli o Levi, gu tala adu gi de goe. Gai goodou kana ange haia gi bei agu muna gu tala ange gi gilaadeu.

Galatians 4:14

Gai e dee galemu donu dogu magi ne hai ga hai ngadaa goodou, aagai goodou tee kino donu aabe ne hagangadi mee au, aagai goodou ne hai au bei dagodo o dahi dangada de langi o de Maadua, gai e dagodo be go au donu go Klisdo Iesu.

Isaiah 42:19

Goai e dee gide, e dee go dogu dangada hai hegau? Gai goai e longoduli bei tangada hagailoo aagu ne hai gi hano? Goai e dee gide bei tangada gu vvae mai gi de au, ma tee gide bei tangada hai hegau o Tagi Maolunga?

Numbers 27:21

Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”

1 Samuel 2:17

Gai haisala o luu dama laa gu kona mmao de baubau i mada luu mada o Tagi Maolunga; go hiidinga gilaau gu hagangadi mee ssigidaumaha a Tagi Maolunga.

2 Chronicles 31:4

Gai ia ga hai ange gi dangada e nnoho i Jerusalem gilaadeu gi gaavange duuhanga o de gau haimeedabu ma denga daane de aamuli o Levi, gi maua ai e gilaadeu i de hagassula hainga a Tagi Maolunga.

Ezra 7:25

Gai koe, Ezra, ga hagahai hegau ina de heiangi o doo Maadua e dagodo naa i oo daha, gai koe ga hili ai hanu dagi o de henua ma de gau hagamodu muna, gai gilaadeu ga hagamodu ai muna o dangada alodahi, i baasi dai o Euphrates, go dangada alodahi e iloo hainga a doo Maadua. Gai koe ga agoago ange hogi be goai e dee iloo mee nei.

Proverbs 5:2

gi maanetonu ai goe, gai au muna e tala gi dagodo ai de iloo mee.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Ezekiel 7:26

Denga hai ngadaa lagolago e hai anga naa gi gilaadeu, gai gilaadeu e langona naa denga longo hagamaatagu. Dangada e ssala naa denga midi hagaago ange i daho de pelaabisi; tangada haimeedabu e dee iloo naa de hainga, gai denga daane maatua gu dee maua naa, i de bale ange dangada i hagasaele danuaa.

Daniel 11:33

Gai de gau iloo mee e agoago ange naa dangada soa; gai gilaadeu e daa naa ga maakau i de gadilaasa ma de dudu i de ahi, ma de gaavee gee i de henua, ma de gaiaadia olaadeu goloa i hanu laangi.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Zephaniah 3:4

Denga pelaabisi i kilaa e llodo maolunga ma tee hai hegau i de muna abodonu. Ono gau haimeedabu e hagangadi mee denga mee dabu, ma de oha de hainga.

2 Kings 16:11

Gai tangada haimeedabu go Uriah ga hagaduu gu lava dahi mommee o ssigidaumaha gu bei de mommee o ssigidaumaha a de hodooligi go Ahaz ne gaamai laa gi de ia i Damascus i mua de ahe mai o Ahaz.

2 Kings 16:16

Gai tangada haimeedabu go Uriah ne hai donu ga bei muna a de hodooligi go Ahaz gu tala ange.

Ecclesiastes 5:5

E danuaa ange dau dee hagatoo donu i dahi mee, i dau hai dahi hagatoo donu aagai koe e dee hai gi bei.

Ezekiel 22:26

Ono dangada haimeedabu e oha agu hainga ma de hagangadi mee agu mee dabu. Gilaadeu e dee maua i de vvae mee dabu mai i mee e dee dabu; gilaadeu e dee agoago tagodo gee o mee gilimalali ma mee e dee gilimalali; gai gilaadeu e dee anga ange e daohi agu Sabbath; deelaa ai, gilaadeu e dee hagadubu au.

Zechariah 7:3

ma de ssili ange gi de gau haimeedabu, i de hale o Tagi o denga hagabuulinga hebagi, aama denga pelaabisi, gi hai ange, “E heohi dogu dangi ma de hagahiigai i de lima malama, bei agu mee gu hai i ngadau lagolago gu hulo laa?”