Malachi 2:6 - De Beebaa Dabu

⁶ Gai ia e agoago mee heohi i dono ngudu, gai e deai donu se mee dee heohi e tala i dono ngudu. Gai ia ne seesee madali au i de baba ma de heohi, gai ne hagadaahuli gee dangada soa mai i olaadeu baubau.

Malachi 2:6 Referans Kwoze

Daniel 12:3

Gai gilaadeu e heiangi e maalama naa bei de maalama o lo te langi; gai gilaadeu e dagina ange dangada soa gi de heohi, e maalama naa bei denga heduu ga hano ai e dee ngado mai.

Revelation 14:5

Gai e deai donu se hadu muna e gidee i olaadeu daha; gai gilaadeu e gilimalali.

Jeremiah 23:22

Aagai noo gilaadeu ne tuu i mada luoogu mada, gai gilaadeu ne tala ange agu muna gi ogu dangada, ma de hai gilaadeu gi daahuli gee mai i alaadeu dahulinga dee heohi aama mai i alaadeu hegau baubau.

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Luke 20:21

Gai de gau mulidagi ne loomai ga ssili ange gi de ia, “Tangada Agoago, gimaadeu e iloo bolo koe e basa ma de agoago i de heohi, koe e dee vae dangada, aagai e agoago de haiava o de Maadua i de muna abodonu.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Psalm 37:30

Tangada heohi e tala ana muna i de iloo mee, gai ia e tala dagodo o de hagamodu heohi.

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

Mark 12:14

Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”

Deuteronomy 33:10

Gilaadeu e agoago ange naa Jacob i au hagamodu; gai agoagona de gau Israel i au hainga. Gilaadeu gi haia ssigidaumaha o mee maanongi i oo mada i mua, gai gi haia sigidaumaha dudu i honga dau mommee o ssigidaumaha.

Deuteronomy 33:8

Ia ne tala dagodo o Levi, ga hagadaba, “Gaavange gi Levi dau Thummim gai dau Urim gi gaavange gi doo dangada dabu. Koe ne hagatale gilaadeu i Massah gai ne hagadaumee ange gi gilaadeu i de vai go Meribah.

Deuteronomy 33:9

Ia ne hagadaba i dono damana ma dono dinana, ‘Au e dee anga ange donu gi gilaau.’ Ia ne hagangadi mee ono daina gai ne tili ana dama. Go hiidinga gilaadeu ne daudali i au muna, ma de daohi dau hagatoo donu hagaheloongoi.

Psalm 37:37

Daumada ina tangada e dee haisala, gai diiloo dagodo o tangada heohi; tangada daudonu e soa naa ono hagadiilinga.

Psalm 119:142

Doo heohi e dee ngado mai donu, gai dau hainga ni muna abodonu.

Psalm 119:151

Aagai koe e dee mmao donu, Tagi Maolunga, gai au hainga alodahi ni muna abodonu.

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.

Proverbs 5:2

gi maanetonu ai goe, gai au muna e tala gi dagodo ai de iloo mee.