Malachi 2:10 - De Beebaa Dabu

¹⁰ E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?

Malachi 2:10 Referans Kwoze

Psalm 100:3

Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.

Malachi 2:11

Judah gu oha delaadeu hagatoo donu. Dahi hegau hakino gee gu hai i Israel ma Jerusalem: dangada o Judah gu hai ma gu hakino gee de mommee dabu o Tagi Maolunga e aloha ai laa, gilaadeu gu hai bodu ange gi denga haahine e daumaha ange gi diinonga gee.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

Ephesians 4:6

e dahi donu huu Maadua ma Tamana odaadeu alodahi, gai go ia i honga odaadeu alodahi ma mee alodahi. Gai go ia e hagahai hegau ina odaadeu mee alodahi ma lodo alodahi.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Acts 7:26

De laangi i dua mee nei, gai ia ne hano hogi gi olaadeu daha, gai ia gu gidee e dogolua daane Israel e hagadaumee, gai ia ne hagatale de hagadanuaa olaau magavaa, ia ne hai ange gi gilaau, ‘Luu daane nei, gooluu ni hai daina, gai gu aha gooluu gu hebagi ai naa?’

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

John 8:41

Gai goodou e hai donu mee a doodou damana gu hai.” Gilaadeu ne hai ange gi de ia, “Gimaadeu tee hagadili i de hai be se manu; gimaadeu e dahi donu huu omaadeu damana, go de Maadua.”

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Malachi 2:8

Aagai goodou gu hulo gee i de haiava heohi, gai oodou agoago gu hagahaisala dangada soa; goodou gu oha de hagatoo donu hagaheloongoi a Levi, go Tagi o denga hagabuulinga hebagi e hagadaba.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Ezekiel 33:24

“Tama a tangada, dangada e nnoho i denga mommee gu maoha laa i Israel, e hagataba, ‘Abraham se dangada sogosogo donu huu, gai ia ne henua i de henua; gai gimaadeu ni dangada soa, deelaa ai, de henua nei gu gaamai donu e henua ai gimaadeu.’

Isaiah 51:2

goodou kalo ange diiloo doodou dubuna madagidagi go Abraham, ma Sarah, ne hanaua naa goodou. De masavaa aagu ne hagahi ai Abraham, gai ia e dahi donu huu, gai au ne hagamanuuia ia ga hai gu soa ono hagadiilinga.

Isaiah 44:2

E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.

Isaiah 43:15

Go au donu Tagi Maolunga, doodou Ia Dabu, de ia ne hagadau ina Israel, go doodou Hodooligi.”

Isaiah 43:7

dangada alodahi e hagaingoo i dogu ingoo, go gilaadeu aagu ne hai e hagamahamaha ai au, gai go gilaadeu aagu ne hagaholi aama de hai.”

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

De Beebaa go Job 31:15

Gai e dee go de ia hogi ne haia nei au i de mommee o denga dama ne hai ia? Gai e dee go ia hogi ne haia gidaadeu i lodo dinae o odaadeu dinana?

Nehemiah 13:29

Dogu Maadua, manadua alaadeu hegau, go hiidinga gilaadeu ne hai ga dee gilimalali tuulanga o de gau haimeedabu aama de hagatoo donu hagaheloongoi a de gau haimeedabu ma denga hagadiilinga o Levi.

Joshua 24:3

Gai au ne kave doodou dubuna go Abraham mai i de baasi laa o Euphrates, ga dagi saele ia i de henua go Canaan, ma de hai ga soa dono hagadiilinga. Au ne gaavange gi de ia Isaac,

Exodus 19:5

Gai noo goodou e hagallongo mai gi agu muna ma de daudali i dagu hagatoo donu hagaheloongoi, gai au e hili naa goodou mai i magavaa o denga huaahenua alodahi, e hai ai dogu huaadangada hagamogomogo. Niiogu henua i lalo alodahi,

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Romans 9:10

Gai e dee deenaa donu huu hogi, aagai de masavaa o Rebekah ne hai dama ange ai gi taadeu dubuna madagidagi go Isaac,

Romans 4:1

Gai aahee ai adaadeu muna ange gi dagodo o mee a Abraham, taadeu dubuna madagidagi, ne gidee?

Acts 17:25

Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

Acts 7:2

Stephen ne hai ange, “Denga daina, ma damana, goodou hagalaangona agu muna. De Maadua o de mahamaha ne hakide ange gi taadeu dubuna madagidagi go Abraham, i dono masavaa goi noho ai i Mesopotamia, i mua dono hano ga noho i Haran,

John 8:56

Doodou damana go Abraham ne malangilangi i dana gidee dogu masavaa e dae mai ai; ia ne malangilangi i dana gidee de mee nei.”

John 8:53

Koe e maolunga ange i demaadeu damana go Abraham, ma denga pelaabisi gu odi nei i de maakau? Gai go koe goai?”

John 8:39

Gilaadeu ne hai ange gi de ia, “Demaadeu dubuna go Abraham.” Iesu ne hai ange, “Noo goodou ni dama nii Abraham, gai goodou e hai mee a Abraham ne hai.

Luke 3:8

Goodou hagaagona mai i oodou hegau bolo goodou gu daahuli abodonu oodou lodo. Gai goodou aude hagataba, ‘Gimaadeu ni dama nii Abraham.’ Au e hai adu gi goodou, de Maadua e maua i de hai hadu nei e hai ai dama a Abraham!

Luke 1:73

go de hagatoo donu soe aana ne hai ange gi taadeu dubuna go Abraham:

Acts 17:24

De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Exodus 19:4

‘Goodou gu gidee dagu hai ne hai ai de gau Egypt, aama dagu hai ne hagauda ai goodou i honga luoogu bakau bei de igele, ga gaamai goodou gi ogu daha i kinei.

Exodus 24:3

Gai Moses ne humai ga tala ange gi de huaadangada muna alodahi a Tagi Maolunga ma mee alodahi gu hagamodu. Gai dangada ga pasa ange i de leo e dahi, ga hai ange, “Gimaadeu e hai donu gi bei muna alodahi a Tagi Maolunga gu tala adu gi de goe.”

Exodus 24:7

Gai ia ga kave de beebaa e sisi ai laa de hagatoo donu hagaheloongoi ga dau ange muna e sisi ai gi dangada. Gai gilaadeu ga hai ange, “Gimaadeu e daudali naa donu i muna alodahi a Tagi Maolunga gu tala.”

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.