Malachi 2:1 - De Beebaa Dabu

¹ “De gau haimeedabu, muna nei ni muna adu gi goodou:

Malachi 2:1 Referans Kwoze

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Jeremiah 13:13

gai koe ga hai ange, ‘E hagadaba Tagi Maolunga: Tilo, au e hai naa dangada alodahi e nnoho i de henua gi ssenga i de unu mee vii; go denga hodooligi e nnoho i honga de nohoanga o David, ma de gau haimeedabu, ma denga pelaabisi aama dangada alodahi e nnoho i Jerusalem.

Lamentations 4:13

Aagai mee nei ne hai i hiidinga haisala o ono pelaabisi aama baubau o de gau haimeedabu, i delaadeu daa ga maakau de gau heohi i lo te aduhale laa.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.