Malachi 1:8 - De Beebaa Dabu

⁸ Goodou e gaamai denga manu dee kide e hai ai oodou sigidaumaha; e aha, e dee se hegau dee heohi deenei? Goodou e hai oodou sigidaumaha i denga manu mmagi ma manu balagelage; e aha, se hegau heohi deenei? Goodou gaavange muhuu mee naa gi doodou goobenaa, gai goodou ga tilo be ia e malangilangi laa be deai! E aha, ia e malangilangi naa i goodou? go Tagi o denga hagabuulinga hebagi e hagadaba.

Malachi 1:8 Referans Kwoze

Deuteronomy 15:21

Gai noo tama e haanau i mua, e hanu mee e baubau i dono angaanga, bei de balagelage, be e dee gide, aabe go dahi mee baubau ange laa, gai koe e dee hai dau sigidaumaha ange gi Tagi Maolunga doodou Maadua i de manu bee nei.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Jeremiah 14:10

E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Psalm 20:3

Gai ia gi dee ngalo au sigidaumaha alodahi, gai gi malangilangi i au sigidaumaha dudu. Selah

De Beebaa go Job 42:8

Deenei ai, goodou gaavee e hidu kaau daane ma e hidu ssiibi daane, mage hulo ai gi daho dogu dangada hai hegau go Job, gai ia ga hai ai dahi sigidaumaha dudu e tala ai oodou haisala. Gai dogu dangada hai hegau go Job ga dalodalo i oodou hiidinga. Gai au e hagallongo naa dana dalodalo, gi dee hagaduasala ina ai e au goodou gi bei dagodo o oodou baubau, go hiidinga tee heohi doodou hai ne tala ai ogu dagodo, bei de hai a dogu dangada hai hegau go Job ne tala ai laa.”

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Haggai 1:1

De lua ngadau huu o de hodooligi go Darius, i tahi laangi o de ono malama, gai Tagi Maolunga ne hagaago ange gi de pelaabisi go Haggai ana muna ange gi Zerubbabel, tama daane a Shealtiel, de goobenaa o Judah, aama Joshua, tama daane a Jehozadak, tangada haimeedabu maolunga:

Malachi 1:7

Goodou ne hai ssigidaumaha i gai dee gilimalali i honga dogu mommee o ssigidaumaha. Aagai goodou e hagataba, ‘Dee hee demaadeu hai ne hai ai ga dee gilimalali doo mommee o ssigidaumaha?’ Go doodou maanadu bolo goodou e hagangadi mee teebele o Tagi Maolunga.