Malachi 1:7 - De Beebaa Dabu

⁷ Goodou ne hai ssigidaumaha i gai dee gilimalali i honga dogu mommee o ssigidaumaha. Aagai goodou e hagataba, ‘Dee hee demaadeu hai ne hai ai ga dee gilimalali doo mommee o ssigidaumaha?’ Go doodou maanadu bolo goodou e hagangadi mee teebele o Tagi Maolunga.

Malachi 1:7 Referans Kwoze

Malachi 1:12

Aagai goodou e hagangadi mee dogu mommee o ssigidaumaha i doodou hagataba bolo teebele a de Ia Aamua e dee gilimalali, gai denga gai iai e maua gi hagangadi mee ina.

1 Corinthians 10:21

Goodou e dee maua i de unu i de ubu a Tagi Maolunga, gai e unu hogi i de ubu a denga hagasaalunga baubau. Goodou e dee maua i de gaimee i teebele o Tagi Maolunga, gai e gaimee hogi i teebele o denga hagasaalunga baubau.

Malachi 1:8

Goodou e gaamai denga manu dee kide e hai ai oodou sigidaumaha; e aha, e dee se hegau dee heohi deenei? Goodou e hai oodou sigidaumaha i denga manu mmagi ma manu balagelage; e aha, se hegau heohi deenei? Goodou gaavange muhuu mee naa gi doodou goobenaa, gai goodou ga tilo be ia e malangilangi laa be deai! E aha, ia e malangilangi naa i goodou? go Tagi o denga hagabuulinga hebagi e hagadaba.

Ezekiel 41:22

Gai e dahi mommee o ssigidaumaha ne hai i laagau i kilaa; e dolu sugilima tuuduu, gai e lua sugilima de looloa ma de lahalaha; gai denga dege, ma tagelo, aama luu baasi e hai i laagau. Gai taane laa ne hai mai gi de au, “Deenei teebele i mada luu mada o Tagi Maolunga.”

Deuteronomy 15:21

Gai noo tama e haanau i mua, e hanu mee e baubau i dono angaanga, bei de balagelage, be e dee gide, aabe go dahi mee baubau ange laa, gai koe e dee hai dau sigidaumaha ange gi Tagi Maolunga doodou Maadua i de manu bee nei.

Leviticus 21:6

Gilaadeu gi dabu ange gi delaadeu Maadua, gai gi dee hagangadi mee ina de ingoo o delaadeu Maadua. Gilaadeu e haia denga sigidaumaha a Tagi Maolunga e hai i de ahi, go gai a delaadeu Maadua; deelaa ai, gilaadeu gi dabu.

Leviticus 2:11

Gai e deai donu mee hagahua e hilo ange gi denga grain oodou e gaamai e sigidaumaha ange gi Tagi Maolunga; goodou e dee dudu hogi hanu mee hagahua be ni hooni gi lodo oodou ssigidaumaha dudu ange gi Tagi Maolunga.

Leviticus 3:11

Gai tangada haimeedabu gi gaavee mee nei gi duungia i honga de mommee o ssigidaumaha, ni gai e hai ai ssigidaumaha dudu ange gi Tagi Maolunga.

Leviticus 21:8

Gai koe vaaea gee ia ma gi haia gi dabu, i hiidinga go ia e haia ssigidaumaha o pelaoaa a doodou Maadua. Gai vaaea gee ia ma gi haia gi dabu; go hiidinga go au go Iahweh, au e dabu, go de ia ne vaaea gee goodou ga hai gi dabu.

Ezekiel 44:16

Gai go gilaadeu donu huu e maua i de ulu i dogu mommee dabu; go gilaadeu donu huu e maua i de loomai e hagapaa ange gi dogu deebele, e hai ai hegau i ogu mada i mua.

Malachi 1:13

Goodou e hagataba bolo ni mee hagadaemaha, gai goodou e hagangadi mee mee nei, go Tagi o denga hagabuulinga hebagi e hagadaba. Goodou e gaamai oodou manu gu lagolagohia, ma oodou manu balagelage, aama manu mmagi e hai ai oodou sigidaumaha. E aha, goodou e maanadu bolo au e malangilangi i de kave mee nei mai i oodou daha? go Tagi Maolunga e hagadaba.