Malachi 1:6 - De Beebaa Dabu

⁶ Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Malachi 1:6 Referans Kwoze

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Hosea 12:8

Ephraim e hagadaba, “Au gu kona mmao dogu lava, au gu lagolago mmao ogu goloa. Gai gilaadeu e dee gidee naa donu dahi baubau daudahi aabe se haisala i agu hegau.”

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

Ephesians 6:2

“Hagadubu ina doo damana ma doo dinana,” deenei tahi hainga ne gaamai madali dahi hagatoo donu:

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

Matthew 6:9

Gai deenei doodou hai e dalodalo ai: ‘Demaadeu Damana i de langi laa, gi dabu doo ingoo;

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Mark 10:19

Koe e iloo denga hainga: ‘Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu, aude daahangadia tangada, gai hagadubu ina doo damana ma doo dinana.’ ”

Matthew 19:19

hagadubu ina doo damana ma doo dinana, gai koe gi aloha i tangada e baa adu gi de goe bei doo aloha donu i de goe.”

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Ezekiel 22:26

Ono dangada haimeedabu e oha agu hainga ma de hagangadi mee agu mee dabu. Gilaadeu e dee maua i de vvae mee dabu mai i mee e dee dabu; gilaadeu e dee agoago tagodo gee o mee gilimalali ma mee e dee gilimalali; gai gilaadeu e dee anga ange e daohi agu Sabbath; deelaa ai, gilaadeu e dee hagadubu au.

Jeremiah 23:11

“Denga pelaabisi ma de gau haimeedabu gu dee hai hegau i de mee heohi; gai au gu gidee donu hogi alaadeu hegau baubau i lo togu hale, go Tagi Maolunga e hagadaba.

Matthew 15:6

gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu.

Malachi 2:8

Aagai goodou gu hulo gee i de haiava heohi, gai oodou agoago gu hagahaisala dangada soa; goodou gu oha de hagatoo donu hagaheloongoi a Levi, go Tagi o denga hagabuulinga hebagi e hagadaba.

Luke 10:29

Gai ia ne lodo e hagaheohi donu huu ia, deelaa ai, ia ne ssili ange gi Iesu, “Goai tangada e baa mai gi de au?”

Luke 6:36

Goodou llodo aaloha, bei dagodo o doodou Damana, ia e lodo aloha.

Mark 7:10

Go hiidinga Moses ne hagadaba, ‘Hagadubu ina doo damana ma doo dinana,’ gai ‘Tangada e hagangadi mee ina dono damana aabe go dono dinana e daa donu gi magau.’

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Luke 18:20

Koe e iloo denga hainga: ‘Aude dagodo haisala, aude daia tangada gi magau, aude gaiaa, aude hagabaubau ina dahi i de muna hadu, gai hagadubulia doo damana ma doo dinana.’ ”

Matthew 15:4

De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Deuteronomy 1:31

Gai goodou gu gidee hogi de hai a Tagi Maolunga doodou Maadua ne bale adu ai goodou i de vao, ga saabai goodou bei de hai a tamana e saabai ai laa dana gauligi i honga luoono eu. Ia ne bale adu goodou ga dae ai gi doodou tae mai gi kinei.”

Psalm 123:2

Tilo, gimaadeu e bei de gau hai hegau e daumada ina laa delaadeu ia aamua, ma de hine hai hegau e daumada ina laa dono hahine aamua; e bei ai hogi, gimaadeu e daumada Tagi Maolunga, demaadeu Maadua, ga dae ai gi dono degi mai gi gimaadeu.

Proverbs 17:6

Denga mogobuna go de hau i honga biho o de gau madumaatua, gai denga damana go de mahamaha o alaadeu dama.

Isaiah 43:23

Koe tee gaamai gi de au hanu ssiibi e hai ai denga sigidaumaha dudu; aabe ne hagadubu au i au sigidaumaha. Au tee hagadaemaha goe i denga sigidaumaha, aabe ne hagadalea goe i sigidaumaha o denga frankincense.

Jeremiah 3:4

E aha, koe tee hagahi mai, ‘Dogu damana ma dogu soa mai i dogu gauligi,

Jeremiah 35:16

Gai de aamuli a Jonadab tama a Recab ne daohi muna a delaadeu dubuna ange gi gilaadeu, aagai de huaadangada nei tee hagallongo mai donu gi de au.

Zephaniah 3:4

Denga pelaabisi i kilaa e llodo maolunga ma tee hai hegau i de muna abodonu. Ono gau haimeedabu e hagangadi mee denga mee dabu, ma de oha de hainga.

Malachi 2:1

“De gau haimeedabu, muna nei ni muna adu gi goodou:

Malachi 2:10

E aha, e dee se Damana daudahi odaadeu alodahi? E aha, tee dahi donu huu Maadua ne haia gidaadeu? Gai gu aha gidaadeu gu oha ai nei de hagatoo donu hagaheloongoi a odaadeu dubuna madagidagi, i taadeu dee daohi denga hagatoo donu i odaadeu magavaa?

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?

Isaiah 45:10

E vakaa naa tangada e hai ange gi dono damana, ‘Se dangada bee hee aau ne hagadili naa?’ aabe go de hai ange gi dono dinana, ‘Se aha aau ne haanau naa?’

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.