Malachi 1:4 - De Beebaa Dabu

⁴ Gai ga hagataba naa donu de gau Edom, “Demaadeu henua gu oohaa, gai gimaadeu e hagaduu age ange naa,” aagai e hagadaba Tagi o denga hagabuulinga hebagi: “Gilaadeu e hagaduu age naa, aagai au e oha iho naa donu. Gai gilaadeu e hagaingoo ange naa go de Henua Baubau, gai se huaadangada e nnoho i lalo de bole o Tagi Maolunga ga hano ai.

Malachi 1:4 Referans Kwoze

Ezekiel 25:14

Gai au e hai naa dogu huaadangada go de gau Israel gi suuia ange hegau a de gau Edom, gai gilaadeu e hagaduasala naa de gau Edom gi bei dagodo o dogu lili ma dogu bole; gilaadeu e langona iho naa dagu sui ange alaadeu hegau, go de Ia Aamua go Iahweh e hagadaba.

Ezekiel 35:9

Au e hai naa doo henua gi se mommee e ngadi dagodo ga hano ai, gai oo aduhale e deai naa dangada e nnoho ai. Gai gi iloo ai e goe bolo go au donu go Iahweh.

Jeremiah 31:17

Gai e dahi donu oodou tali ange gi de masavaa e humai, go Tagi Maolunga e hagadaba. Oodou dama e aahe mai naa gi delaadeu henua donu.

Isaiah 34:10

Gai de ahi laa e ula naa i de boo ma de laangi, dono useahi e buu naa donu huu ga hano ai. Gai de mommee laa e ngadi dagodo naa i denga atangada e loomai; e deai naa hogi dangada e seesee i kilaa ga hano ai e dee ngado mai.

Isaiah 34:5

Dagu gadilaasa gu hebagi i de langi, gai tilo, e hano iho naa e hagaduasala Edom, ma dangada aagu gu hagamodu e daa gi maakau.

Isaiah 11:14

Gai gilaadeu e loiho naa i denga madadaagodo o Philistia i de baasi gi dai. Gilaadeu e hagabuni naa hogi ga kave mee o dangada e nnoho i baasi i dua. Gilaadeu e kave naa Edom ma Moab ga henua ai, gai de gau Ammon e nnoho naa i olaadeu lalo.

Malachi 1:3

aagai au ne kino i Esau. Au ne hai dono mommee iai mounga gi se ngadi mommee, ma de hai dono boolonga gi nnoho ai denga jackal lodo henua.”

Amos 6:2

Goodou hulo diiloo i Calneh, gai loadu gi de mommee maolunga go Hamath; ma de loiho gi Gath o de gau Philistia. E aha, gilaadeu e kii ange laa i luu nohoanga hodooligi nei? Olaadeu ungaamee e nnui ange laa i oodou ungaamee?

Ezekiel 11:10

Goodou e daia naa ga maakau i de gadilaasa, gai au e hagaduasala naa goodou i de ngaadonga o de henua go Israel. Gai gi iloo ai e goodou bolo go au donu go Iahweh.

Lamentations 3:37

Goai e maua i de tala dahi muna gai e hai ga bei, noo de Ia Aamua laa e dee dugu ange?

Isaiah 10:4

Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Proverbs 21:30

E deai donu se heiangi, e deai donu se donu ange, gai e deai hogi se hagatau e maua i de hai baasi ange gi Tagi Maolunga.

Psalm 137:7

Tagi Maolunga, manadua mee a de gau Edom ne hai, i de laangi o Jerusalem ne oohaa ai. Gilaadeu ne hagataba, “Oohaa ina, oohaa iho donu gi sula age tagelo!”

Psalm 127:1

Noo e dee go Tagi Maolunga e hagaduulia de hale, gai hegau a denga labagau e deai donu haigamaiana. Noo e dee go Tagi Maolunga e hagaloosia de aduhale, gai hegau a denga daane hagaloosi e deai donu haigamaiana.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

De Beebaa go Job 12:14

Noo ia e oha, gai e deai donu e maua i de hagaahe age; noo ia e tili ange gi lo te hale pono, gai e deai donu e maua i de hhuge.

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?

Matthew 12:30

Be goai e dee madali au e hai baasi mai donu gi de au; gai be goai e dee hagabudulia madali au, se dangada donu e hagassiia saele.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Jeremiah 49:8

Dangada e nnoho i Dedan, goodou saavini mmuni i lodo haonga kelo, go hiidinga au e hai naa gi hai ngadaa Esau, i de masavaa aagu e hagaduasala ai ia.

Jeremiah 49:20

Deenei ai, goodou hagalaangona de hagatau a Tagi Maolunga e hai baasi ange ai gi Edom, ma ana mee gu hagadabena e hebagi ange ai gi gilaadeu e nnoho i Teman: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Ezekiel 25:13

deenei ai, e hagadaba de Ia Aamua go Iahweh: Au e hagaabo naa dogu lima e hagaduasala ai de gau Edom, ma de daa gi maakau ono dangada ma ana manu. Au e hai naa Edom gi se mommee e ngadi dagodo; gai ono dangada e daa naa ga maakau i de gadilaasa, mai i Teman ga dae ai gi Dedan.

Ezekiel 26:14

Au e hai naa goe gi se baba e deai mee iai; gai koe e hai naa gi se mommee e dauagi ai denga galauna. Koe e dee ahe ange naa donu e hagaduu age, go au donu go Iahweh ne daalaa muna nei, go de Ia Aamua go Iahweh e hagadaba.

Ezekiel 35:4

Au e oha naa oo aduhale ma de hai goe gi se mommee e ngadi dagodo. Gai gi iloo ai e goe bolo go au donu go Iahweh.

Amos 3:15

Au e oha iho naa denga hale ange gi de masavaa hagamagalili madali denga hale ange gi de masavaa mahanahana; gai denga hale e hagalaagii i ivory e oha naa, gai denga hale danuaa e odi naa hogi i de maoha,” go Tagi Maolunga e hagadaba.

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Amos 6:11

Gai tilo, Tagi Maolunga gu tala hagasoe, gai ia e oha donu de hale laumalie laa gi too dagidahi, gai de hale damaa mee e ssii dagaligiligi.

Obadiah 1:1

De midi hagaago ange a Obadiah. E hagadaba de Ia Aamua go Iahweh i dagodo o Edom — gimaadeu gu langona dahi muna mai i daho Tagi Maolunga; dahi dangada hagailoo gu hai gi hano gi denga huaahenua, gi hai ange, “Hiihidi age, gidaadeu ga hulo e hebagi ange gi de ia!” —

Obadiah 1:10

Go hiidinga dau vaivai hai doo daina go Jacob, koe e dogaa naa donu, koe e oha ga maoha ga hano ai.

Psalm 33:10

Tagi Maolunga e hai gi dee ssula hagatau a denga huaahenua, ma de hai gi dee haigamaiana hagatau a dangada.

Jeremiah 49:7

E hagadaba Tagi o denga hagabuulinga hebagi i dagodo o Edom: “E aha, gu deai nei donu se heiangi i Teman? Gai gu deai nei donu hagasaele heohi a de gau maanetonu? Gai gu llilo nei donu olaadeu heiangi?

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.