Malachi 1:13 - De Beebaa Dabu

¹³ Goodou e hagataba bolo ni mee hagadaemaha, gai goodou e hagangadi mee mee nei, go Tagi o denga hagabuulinga hebagi e hagadaba. Goodou e gaamai oodou manu gu lagolagohia, ma oodou manu balagelage, aama manu mmagi e hai ai oodou sigidaumaha. E aha, goodou e maanadu bolo au e malangilangi i de kave mee nei mai i oodou daha? go Tagi Maolunga e hagadaba.

Malachi 1:13 Referans Kwoze

Micah 6:3

Dogu huaadangada, se aha aagu gu hai adu laa gi de goe? Gai se aha aagu ne hagadaemaha ai laa goe? Basa mai gi agu muna!

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Malachi 2:13

Deenei ange dahi mee oodou e hai: goodou e haoli de mommee o ssigidaumaha a Tagi Maolunga i oodou loimada. Goodou e tangi ma de tangi see i hiidinga ia gu dee anga adu gi oodou sigidaumaha, aabe e malangilangi i de kave oodou mee e gaavange.

Amos 8:5

ma de hagataba, “Go aahee naa e lava ai taonga o de duu de maasina i dai, gai gimaadeu ga hulo e hagao gi daha amaadeu grain? Gai go aahee naa e ui ai Sabbath, gai gimaadeu ga hulo e hagao gi daha amaadeu wheat? Gimaadeu e hai naa gi kii mai ange de hagabaaunga o de ephah gai ga ue age de hagaoanga, ma de hagasenga dangada i demaadeu hai e hagahidi mee.

Ezekiel 44:31

Gai de gau haimeedabu gi dee gaina kano o denga manu llele be go denga manu dolodolo ne ngadi maakau laa donu huu, aabe ne daia ga maakau i hanu manu alasala.

Ezekiel 4:14

Gai au ne hai ange, “Dogu Ia Aamua go Iahweh! Tilo, au tigi gai donu hanu mee e hai ai gi hakino gee au. Mai i dogu gauligi ga dae mai ai gi iainei, gai au tigi gai donu hanu manu maakau, aabe ni manu dolodolo ne daia ga maakau i hanu manu alasala. Tigi ai hogi giidagi dee gilimalali ne hhao gi lo togu ngudu.”

Isaiah 57:6

Denga hadu malali i lodo geelonga go oodou diinonga; go gilaadeu, go gilaadeu oodou duuhanga. Goodou e llingi ange aagena ssigidaumaha o mee unu, ma de sigidaumaha ange denga grain gi gilaadeu. Gai e maua e mee nei i de hagahelui ogu lodo?

Isaiah 1:12

De masavaa oodou e loomai ai gi mada luoogu mada, goai ne hai adu goodou gi loomai gi dagadagahia saele lodo ogu buibui?

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’

Deuteronomy 15:21

Gai noo tama e haanau i mua, e hanu mee e baubau i dono angaanga, bei de balagelage, be e dee gide, aabe go dahi mee baubau ange laa, gai koe e dee hai dau sigidaumaha ange gi Tagi Maolunga doodou Maadua i de manu bee nei.

Leviticus 22:8

Gai ia e dee maua i de gai de manu ne ngadi magau be se manu ne daia i dahi manu alasala, ga hidi ai dono dee gilimalali. Go au donu go Iahweh.

Leviticus 6:4

gai de masavaa naa huu o tangada e donu iho ai bolo ia gu haisala i dana hai mee nei, gai ia gi hagaahea ange mee aana ne gaiaa laa, be go mee aana ne kave laa i de vaivai dagodo, be go mee ne gaavange laa ia gi doange ina, be se mee ne tili gai ia ga gidee,

2 Samuel 24:24

Aagai de hodooligi ga hai ange gi Araunah, “E deai, au e hagao mee naa i oo daha, go hiidinga au e dee hai ange donu dahi sigidaumaha dudu gi Tagi Maolunga dogu Maadua i dahi mee oogu tee too ange aagena.” Gai David ne hagao de mommee hili huamanu ma denga kaau laa i e madalima shekel selevaa.

Isaiah 61:8

Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

Hosea 13:9

Israel, au e oha naa goe; gai goai naa donu e maua i de bale adu goe?

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Malachi 2:12

Gai Tagi Maolunga gi aaua gee mai i daho Jacob, denga hagadiilinga o tangada ne haia de hegau nei, e dee galemu donu dana gaamai dahi sigidaumaha gi Tagi o denga hagabuulinga hebagi!