Malachi 1:11 - De Beebaa Dabu

¹¹ Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Malachi 1:11 Referans Kwoze

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Isaiah 45:6

gi iloo ai e dangada alodahi mai i de sobo age o de laa ga dae ai gi de danu, bolo e deai ange donu se Maadua bei au; gai go au donu go Iahweh, e deai ange donu.

Revelation 5:8

Gai de masavaa huu aana ne kave ai de beebaa laa, gai denga mee mouli e haa laa ma denga daane maatua e dinolua ma dogohaa laa, ga ino gi honga de gelegele i mada luu mada o Ssiibi Gauligi laa ga daumaha, gai dahi ma dahi e poo dahi harp, ma dahi boolo goolo gu hhao ma gu honu i mee maanongi, go dalodalo a dangada o de Maadua.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Zechariah 8:7

E hagadaba Tagi o denga hagabuulinga hebagi: Tilo, au e hagaola naa ogu dangada mai i denga henua i dua ma henua i dai,

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Psalm 67:2

gi iloo ai dagodo o oo haiava i henua i lalo, ma dau hagaola i denga huaahenua alodahi.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

1 Timothy 2:8

Au e lodo denga daane i mommee alodahi gi haalo ina olaadeu lima dabu gi dalodalo ai, gilaadeu gi dee lili aabe gi hagadaumee.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Luke 1:10

Gai dangada soa e dalodalo i duaahaho i de masavaa e hai ai ssigidaumaha.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Zephaniah 3:9

Gai au e ahe ange naa ga sui denga huaadangada, ma de hagagilimalali alaadeu muna e tala, gai gilaadeu alodahi e dalodalo naa i de ingoo o Tagi Maolunga ma de daumaha ange gi de ia i de lodo daudahi.

Zephaniah 2:11

Tagi Maolunga e hagalele mouli i dono hai baasi ange gi gilaadeu, i de masavaa aana e oha ai denga diinonga alodahi o de henua. Denga huaahenua alodahi e daumaha ange naa gi de ia, dahi ma dahi i dono henua donu.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Amos 9:12

Gai gilaadeu e kave naa mommee e doe i Edom aama huaahenua alodahi e hagaingoo i dogu ingoo, go Tagi Maolunga e hagadaba, go de ia e hagasula ina de mee nei.

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

Psalm 113:3

Gai hagadegi ina de ingoo o Tagi Maolunga mai i de sobo age o de laa ga dae ai gi de danu!

Matthew 8:11

Au e hai adu gi goodou: dangada soa e loomai naa i dua aama mai i dai ga nnoho madali Abraham, ma Isaac, aama Jacob i de nohoanga hodooligi o de langi.

2 Thessalonians 1:12

gai gi hagamahamaha ai de ingoo o taadeu Dagi Maolunga go Iesu i oodou mouli, gai goodou gu hagamahamaha i ono daha, i de abodonu o taadeu Maadua ma Tagi Maolunga go Iesu Klisdo.

Numbers 7:74

ma e dahi gumedi goolo e madaangahulu shekel de daemaha, e hhao ma e honu i mee maanongi;

Psalm 45:17

Au e hai naa denga atangada alodahi gi manadua goe; deenei ai, denga huaahenua e tuhi naa goe ga hano ai e dee ngado mai.

Psalm 48:10

De Maadua, doo tuhi e dae gi henua i lalo alodahi; bei dagodo oo ingoo: gai doo lima madau e honu i de heohi.

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.

Isaiah 12:4

De laangi laa gai goodou e hagataba naa: “Hagaahe ange de abodonu gi Tagi Maolunga, ma de dalodalo ange gi de ia; hagadele ina i denga huaahenua dagodo o ana hegau gu hai, ma de tala bolo gi hagaamua ina dono ingoo.

Isaiah 12:5

Daahili ange gi Tagi Maolunga, i hiidinga ana hegau mahamaha gu hai, haia gi iloo e henua i lalo alodahi de mee nei.

Isaiah 66:18

Gai au e iloo dagodo o alaadeu hegau ma maanadu i olaadeu lodo; gai e dae mai naa de masavaa e hagabuni mai ai denga huaahenua alodahi ma dangada e pasa i muna henua gee. Gai gilaadeu e loomai naa ga gidee dogu mahamaha.

Jeremiah 10:6

Tagi Maolunga, e deai donu e bei oo dagodo; go hiidinga koe e maolunga, gai doo ingoo iai de mmahi.

Jeremiah 10:7

De Hodooligi o denga huaahenua, goai e dee madagu i de goe? Deenei de mee e heohi de hai adu gi de goe. Gai e deai donu e bei oo dagodo, i magavaa o de gau heiangi alodahi o denga huaahenua, ma olaadeu nohoanga hodooligi alodahi.

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

1 Chronicles 16:25

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia i denga maadua alodahi.

Psalm 48:11

De mounga go Zion gi malangilangi! Dangada alodahi i Judah gi lodo malangilangi i hiidinga o dau hagamodu heohi!

Psalm 65:9

Koe e hano iho ga hagamaluulu henua i lalo; koe e hai gi ssomo danuaa mee i honga de gelegele. Denga saalingaa vai a de Maadua e hoohonu i de vai; koe e gaavange gi dangada alaadeu grain, gai go dau hagatau ne hai ai mee nei.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Psalm 96:8

Duuhia Tagi Maolunga i de mahamaha o dono ingoo, gai gaamai dahi sigidaumaha loomai ai gi lodo ono buibui.

Psalm 138:5

gai gilaadeu e daahili naa i dagodo hegau a Tagi Maolunga, i hiidinga de laumalie de mahamaha o Tagi Maolunga.

Isaiah 19:21

Gai Tagi Maolunga e hai naa gi iloo e de gau Egypt ono dagodo, gai gilaadeu e iloo naa Tagi Maolunga i de laangi laa. Gilaadeu e daumaha naa ma de hai denga sigidaumaha dudu ma sigidaumaha o grain; gilaadeu e hagatoo donu ange naa gi Tagi Maolunga ma de hagassula alaadeu hagatoo donu.

Isaiah 30:27

Tilo, de ingoo o Iahweh e humai naa i dahi mommee mmao; dono lili e ula bei de ahi ma de buu ai de useahi; luoono malaungudu e hagalloa i dono bole, gai dono alelo e bei de ahi mmahi.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

Malachi 3:3

Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga,