Luke 9:51 - De Beebaa Dabu

⁵¹ Gai ga paa mai huu laangi o Iesu e gaavage ai gi de langi, gai ia ga hagammahi e hano gi Jerusalem.

Luke 9:51 Referans Kwoze

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Luke 18:31

Iesu ne hagahi hogi tinoangahulu ma dogolua, ga hai ange gi gilaadeu, “Tilo, gidaadeu ga hulo gi Jerusalem, gai mee alodahi gu sisi laa i daho denga pelaabisi i dagodo o Tama a Tangada e hagassula naa donu.

Luke 13:22

Ia ne hano e hagadaga i denga aduhale ma mommee nnoho hugadoo e agoago ai, ga hano ai gi Jerusalem.

Luke 17:11

Gai ga seesee huu Iesu e hano gi Jerusalem, gai ia ne hano laa magavaa o Samaria ma Galilee.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 6:20

go de mommee o de ia gu hano laa i odaadeu mada i mua ne ulu ai i odaadeu hiidinga, go Iesu. Gai ia gu hai gi se dangada haimeedabu maolunga ga hano ai bei dagodo o Melkizedek.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Ephesians 1:20

aana ne hagahai hegau laa i dana masavaa ne hagamouli age ai Klisdo i de magau, ga haganoho ia i dono baasi madau i denga mommee i de langi,

Acts 1:9

Dua huu dana tala ange muna laa gi gilaadeu, gai ia gu gaavage gi de langi, i de masavaa alaadeu e daumada ai ia, gai de giliiga ne haoli ia gu dee gidee.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

John 17:11

Au gu dai hano gee i henua i lalo e ahe adu gi oo daha, gai gilaadeu e nnoho naa donu huu i henua i lalo. Tamana Dabu, buibuia gilaadeu i ssauaa o doo ingoo aau gu gaamai laa gi de au, gi buni ai gilaadeu gi dahi, bei odaau dagodo.

John 16:28

Au ne hano iho gi henua i lalo mai i daho Tamana. Gai iainei au ga hano gee nei i henua i lalo ga ahe gi daho Tamana.”

John 16:5

“Iainei gai au gu dai ahe gi daho de ia ne haia ngau gi humai. Gai tigi ai donu se goodou ne siilia mai, ‘Koe ga hano naa gi hee?’

John 13:1

Gai i mua de hai Taonga Hagasili, gai Iesu gu iloo bolo gu dae dono masavaa e hano gee ai i henua i lalo ga ahe gi daho Tamana. Ia ne aloha i ono dangada i henua i lalo nei, gai ia ne aloha donu i gilaadeu ga dae ai gi de hagaodi.

John 6:62

Gai aahee naa oodou muna noo goodou e gidee Tama a Tangada e hanage gi de mommee oona nogo noho ai i mua?

Luke 24:51

Gai de masavaa aana e hagamanuuia ai gilaadeu, gai ia gu kave gee mai i olaadeu daha ga gaavage gi de langi.

Luke 19:28

Gai ga lava huu i dana tala muna laa, gai ia ga dagi gilaadeu ga hulo ai gi Jerusalem.

Luke 19:11

De masavaa o dangada e nnoho ai ma e hagallongo ana muna, gai ia ne tala ange gi gilaadeu dahi mee hagasengasenga, go hiidinga ia gu baa ange gi Jerusalem, gai dangada e hagataba bolo gu baa mai de nohoanga hodooligi o de Maadua.

Luke 12:50

E dahi babudaisi oogu gu baba ange e babudaisi ai, gai au e daemaha ogu lodo ga dae ai gi de hagalava!

2 Kings 2:11

De masavaa olaau e seesee ai ma e hulo ma de madaangudu, gai tilo, dahi hada iai de ahi ma denga hoosa iai de ahi ula gu humai ga vvae gilaau. Gai Elijah gu gaavage gi de langi i lo te sio.

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

Luke 9:57

De masavaa olaadeu ne seesee ai e hulo gai dahi daane ne hai ange gi Iesu, “Au e lodo e daudali adu i de goe i mommee alodahi oou e hano aagena.”