Luke 9:5 - De Beebaa Dabu

⁵ Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.”

Luke 9:5 Referans Kwoze

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Acts 13:51

Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

Nehemiah 5:13

Gai au ga luuluu ogu malo, ga hai ange, “De Maadua gi luuluu ina gi doo mai i dono hale ma ono goloa tangada e dee haia gi bei de hagatoo donu nei. Gai ia gi luuluuia ina ga dae ai gi de odi ana mee.” Gai de hagabuulingaa dangada alodahi laa ga hai ange, “Amen!” Gai gilaadeu ga tuhi Tagi Maolunga. Gai dangada alodahi ne hai donu ga bei de hagatoo donu laa.

Mark 9:37

“Be goai e abodonu ange gi dahi gauligi bei tamaa gauligi nei i hiidinga o dogu ingoo, gai ia e abodonu mai donu gi de au. Gai be goai e abodonu mai gi de au, gai ia e abodonu ange donu gi de ia ne haia nei au gi humai.”

Luke 5:14

Aagai Iesu ga hai ange hogi gi de ia, “Aude daalaa ange mee nei gi dahi dangada daudahi, aagai koe hannoo hagaagona ange goe gi tangada haimeedabu, ma de hai ssigidaumaha o tangada gu gilimalali, bei dagodo muna a Moses, e hagadonu ai ⌊doo ieiangi⌋ i olaadeu daha.”

Matthew 10:18

Gai goodou e gaavee naa gi mada i mua o denga goobenaa ma hodooligi i ogu hiidinga, gai goodou ga tala hagadonu ange ai au gi gilaadeu aama denga Gentile.

Luke 9:4

Gai dee hee naa huu doodou hale e hulo ga nnoho ai, gai goodou nnoho donu huu i kilaa ga dae ai gi doodou hulo gee mai i de aduhale laa.