Luke 9:45 - De Beebaa Dabu

⁴⁵ Gai gilaadeu tee tonu ange gi muna laa, go hiidinga mee laa gu hagammuni gi dee tonu ange gilaadeu aagena. Gai gilaadeu ne maatagu i de ssili ange gi de ia de hagadoonunga o muna laa.

Luke 9:45 Referans Kwoze

Luke 18:34

Gai ana dangada agoago tee tonu ange gi muna laa; de hagadoonunga o muna nei e hagammuni i gilaadeu, gai gilaadeu tee tonu ange gi muna a Iesu ne tala ange.

John 12:16

Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.

Luke 2:50

Gai gilaau tee tonu ange gi ana muna ne tala ange laa gi gilaau.

Mark 9:32

Aagai gilaadeu tee tonu ange gi ana muna, gai ne maatagu i de ssili ange gi de ia.

John 14:5

Thomas ne hai ange gi de ia, “Tagi Maolunga, gimaadeu e dee iloo be go hee oou ga hano naa aagena, gai dee hee demaadeu hai e iloo ai de haiava?”

John 12:34

Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?”

Mark 9:10

Gai ana dangada agoago ne daohi mee laa i olaadeu lodo, ma de hagadau ssili be dee hee de hagadoonunga o de mouli age mai i de magau.

Matthew 16:22

Gai Peter ne kave Iesu ga hagasee, ga hai ange, “Tagi Maolunga, de Maadua e dee dugu ange donu gi hai mee nei! Mee nei e dee hai adu donu gi de goe!”

Luke 9:46

Denga dangada agoago ne hagadaumee i olaadeu magavaa, be goai e maolunga.

Matthew 17:22

De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada,

John 4:33

Gai denga dangada agoago ga hagadau pasa i olaadeu magavaa ga hagataba, “Gu hanu nei dangada ne gaamai hanu mee ia gi gaina?”