Luke 8:5 - De Beebaa Dabu

⁵ “E dahi daane hai veelenga ne hano e doo ana golee. Gai de masavaa huu aana ne hagamalili ai ana golee, gai hanu gu too ange gi gaogao de haiava, gai dangada ne dagadagahi gi lalo olaadeu vae, gai denga manu llele ga loomai ga gai.

Luke 8:5 Referans Kwoze

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

Mark 4:15

Hanu dangada e bei dagodo o denga golee e too ange laa gi gaogao de haiava. De masavaa alaadeu ne langona ai muna a de Maadua, gai ne moolau donu de humai o Satan ga kave gee muna gu doo ange laa gi olaadeu lodo.

Genesis 15:11

Gai gu loiho denga manu llele e gaina laa kano o denga manu maakau e gai mee laa, gai Abram ga dugi gilaadeu.

Matthew 13:37

Ia ne hai ange gi gilaadeu, “Tangada ne dooa golee danuaa laa go Tama a Tangada.

Matthew 5:13

“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.

Psalm 119:118

Koe e kino i gilaadeu alodahi e hagahaisala i au muna gu hagasauaa; gai alaadeu hagatau hadu muna e deai olaadeu haigamaiana.

Luke 8:4

Gai de masavaa o dangada soa ne hagabuni mai ai gi ono daha i denga aduhale, gai ia ne hai ange gi gilaadeu i dahi mee hagasengasenga:

Luke 8:6

Hanu ne too ange gi de mommee haduhadua, gai de masavaa huu ne ssomo age ai, gai ne moolau donu de mmae, go hiidinga e dee suungia i kilaa.